साहित्य

“मपाईं”

✍️भेषराज सिग्देल “बोमाली”
कसैले तपाईं नभनेनी,मपाईं बन्ने चाह भयो
सम्पत्ति नभै असम्भव ,तपाईं बन्न थाहा भयो
इमानदारलाई कोहि यहाँ टेरपुच्छर लाउँदैन
औंला बंग्याउन नजाने याँ,घ्यू पनि त आउँदैन !!
तपाईं त्यही कहलाउँछ,जोसँग साथमा धन छ
धेरै धोका उसैले पाउँछ ,जसको सफा मन छ
लुटेर ,ठगेर खानेले याँ ,नौसय नमस्कार पाउँछ
लाटो र सुधो गाईलाई त,किर्नाले पनि सताउँछ !!
नभुक्ने काले,पाङ्ग्रेलाई,सबैले लात याँ बजार्छन
झम्टने ,टोक्ने टमीलाई त,सेम्पू लाएर पखाल्छ्न
जस्तालाई त्यस्तै ढिंडोलाई निस्तै,उखान चलिआको
सबैको भलाई चाहने वनलाई ,डढेलोले छ खाएको !!
मान्छेलाई अर्ती ,नचाहिने फूर्ती,दिएर मात्रै के गर्नु
बेलामा शहर झरिएन आफु,अब त झरेर नी के गर्नु
काठको सन्दूक ,काउलीको गुन्द्रुक ,बनाएर के गर्नु
केहि फल्ने होइन बालुवामा पानी ,खन्याएर के गर्नु??
 चन्द्रनिगाहपुर ,रौतहट ,नेपाल
May be an image of outdoors

सम्बन्धित समाचार

Leave a Reply

Your email address will not be published.

Back to top button