बिर्तामोड कार्तिक २३।। आख्यानकार ज्ञानु बुढाथोकीको प्रथम कृति ‘याङरुप’ उपन्यासको एक समारोहका बीच आज झापाको बिर्तामोडमा विमोचन गरीएको छ ।
क्यान्सर रोग बाट ग्रसित शिक्षक समेत रहेका लेखक बुढाथोकीको चार बर्षको प्रयासपछि प्रकाशन गरिएको कृतिको शुक्रबार बिर्तामोडमा विमोचन गरिएको हो ।
झापाली साहित्य समाज र सप्तक संगीत विद्यालय झापाको संयुक्त आयोजनामा भएको कार्यक्रममा प्रमुख अतिथि साहित्यकार कृष्ण धरावासी लगायत सम्पूर्ण विशिष्ट व्यक्तिहरूले संयुक्त रुपमा ‘याङरुप’ उपन्यासको विमोचन गरेका हुन् ।
मेची क्याम्पसका प्राध्यापक तारा विविध, मधु केरुङ, प्राडा बद्री विलास पोखरेल, प्राडा टंक न्यौपाने र डा. बालचन्द्र सुब्बा लगायतले पुस्तकको समिक्षा गरेका थिए ।
कार्यक्रममा कवि तथा गजलकार रिता पोखरेलले लखकको जिबनी प्रस्तुत गरेकी थिइन् भने साहित्यकार तथा सञ्चारकर्मी केशव आचार्यले धन्यवाद मन्तव्य राखेका थिए ।
झापाली साहित्य समाजका अध्यक्ष हरि बरालको अध्यक्षतामा सम्पन्न कार्यक्रममा सप्तक संगीत विद्यालयका विद्यार्थीहरुले विभिन्न गीत संगीत प्रस्तुत गरेका थिए । झापाली साहित्य समाज र सप्तक संगीत विद्यालय झापाको संयुक्त आयोजनामा भएको कार्यक्रममा डा. कुमार सुवेदीले सहभागीहरुलाई स्वागत गरेका थिए।उक्त कार्यक्रमलाई पुरुषोत्तम ढुङ्गेलले सञ्चालन गरेका थिए ।
