बाँके।
नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ झापाको सीमावर्ती ग्रामीण बस्तीमा जनजागरण अभियानमा आइतबार देखी सुरु गरेका छन् । विप्लवले स्थानीय जनतासँग अन्तरक्रिया गर्दै उनीहरूका समस्या सुनेर समाधानका लागि पार्टीको प्रतिबद्धता दोहर्याई रहेका छन् । विशेष गरी सीमा अतिक्रमण, भूमि व्यवस्थापन, सुरक्षा, र विकासका मुद्दाहरूमा उनले गम्भीर चासो व्यक्त गरेका छन् ।
महासचिव विप्लवले सिमा अतिक्रमणविरुद्ध सशक्त पहल गर्नुपर्ने आवश्यकता औंल्याउँदै राज्यले सीमावर्ती क्षेत्रमा बेवास्ता गरे कम्युनिस्ट आन्दोलनले अगुवाइ लिने चेतावनी दिएका छन् । साथै, शिक्षा, स्वास्थ्य, रोजगारी, र पूर्वाधार विकास जस्ता आधारभूत आवश्यकताहरू पूरा गर्न नेकपाले संघर्ष जारी राख्ने उनको भनाइ छ ।
यसै क्रममा, महासचिव विप्लवको झापा भ्रमणले पार्टीको अग्रगामी आन्दोलनलाई बलियो बनाउन महत्त्वपूर्ण मानिएको बताए । नेकपाका झापा जिल्ला इन्चार्ज सुमनसिंह सीका अनुसार यो भ्रमणले झापालाई देशको राजनीतिक निकाससँग जोड्ने रणनीति निर्माणमा सहयोग गर्नेछ । महासचिव विप्लवको यो भ्रमणले झापा मात्र नभई समग्र देशको राजनीतिक परिदृश्यमा प्रभाव पार्ने विश्लेषकहरूको अनुमान छ।
