बाँके।
नेपाली कांग्रेसका प्रमुख सचेतक श्यामकुमार घिमिरेले यौन व्यवसायलाई खुला गर्नुपर्ने बारेमा दिएको अभिव्यक्ति प्रतिनिधिसभामा आलोचनाको विषय बनेको छ । राष्ट्रिय प्रजातन्त्र पार्टीका सांसद दीपक सिंहले उनको अभिव्यक्तिलाई लिएर सरकार संग प्रश्न उठाएका छन् । उनले सरकार यौन व्यवसाय गर्न लएको हो भन्दै प्रश्न गरेका छन् । त्यस्तै सत्तारुढ नेकपा एमालेकी सांसद रुक्मिणी कोइरालाले उक्त अभिव्यत्तिलाई आपत्तिजनक भन्दै कडा विरोध जताएकी छन् ।
सांसद कोइरालाले भने, “नेपाली समाजको मूल्य र मान्यता विपरीत गरिमामय सदनमा यस्तो निष्कृष्ट धारणा राख्ने अधिकार उनलाई कस्ले दियो?” र उनले थपे, “त्यस्तो अभिव्यक्तिले समाजमा के असर पार्ने हो, त्यसको हेक्का राखी बोल्नुपर्ने हो।” कोइरालाले घिमिरेको अभिव्यक्तिका लागि नेपाली काङ्ग्रेसका प्रमुख सचेतक श्यामकुमार घिमिरेले माफी माग्नुपर्ने बताएकी हुन्। यस घटनाले नेपाली समाजमा यौन व्यवसायको वैधता र यसको सामाजिक प्रभावको विषयलाई अझ ठूलो विवादमा ल्याएको छ।
