बाँके।
इन्डियन प्रिमियर लिग (आइपिएल) २०२५ आजदेखि सुरु हुँदैछ। पहिलो खेल साविक विजेता कोलकाता नाइट राइडर्स (केकेआर) र रॉयल च्यालेन्जर्स बेंगलुरु (आरसिबी) बीच हुनेछ। खेल नेपाली समयअनुसार साँझ ७:४५ बजे सुरु हुनेछ।
यस सिजनमा केकेआरको कप्तानी अजिंक्य रहाणेले गर्नेछन्, जबकि आरसिबीले पहिलो पटक कप्तानको जिम्मेवारी रजत पाटिदारलाई दिइएको छ। यो सिजन आइपिएलको १६औं संस्करण हो, जसमा १० टोली सहभागिता जनाउँदै ७४ खेल हुनेछन्।
आइपिएलको पहिलो डबल हेडर आइतवार हुनेछ। पहिलो खेल सनराइजर्स हैदराबाद र राजस्थान रोयल्स बीच हुनेछ। साँझको खेलमा चेन्नई सुपर किंग्स र मुम्बई इन्डियन्स बीच चेपक रंगशालामा प्रतिस्पर्धा गर्नेछन्।
सिजनको फाइनल मेला मे २५ मा इडेन गार्डेन्समा हुनेछ। आइपिएलको यस सिजनमा होम एन्ड अवेका आधारमा ७४ खेल हुनेछन्।
यस पटकका नयाँ कप्तानहरूको भूमिका, खेलाडीहरूको प्रदर्शन र प्रतिस्पर्धी टोलीहरूको खेल प्रदर्शनलाई ध्यानमा राख्दै क्रिकेट प्रेमीहरू यस संस्करणमा ठूलो अपेक्षाका साथ रहेका छन्।
