बुटवल ।
२३ औं तिलोत्तमा गोल्ड कप फुटबल प्रतियोगिताको सेमिफाइनलमा एपिएफ फुटबल क्लबले स्थान बनाएको छ। आइतवार आयोजित खेलमा एपिएफले आयोजक रुपन्देही ११ लाई १-० ले पराजित गर्दै सेमिफाइनलको यात्रा तय गरेको हो। खेलको सुरुआतमा स्थगन गरिएको खेललाई आज पुनः जारी गर्दा एपिएफले आफ्नो १-० को अग्रतालाई जोगाउन सफल भएको हो। कप्तान हरि कार्कीले १७ औं मिनेटमा गोल गर्दै एपिएफलाई अग्रता दिलाएका थिए। खेलमा रुपन्देही ११ का केही राम्रा अवसरहरू असफल हुँदा उनीहरू प्रतियोगिताबाट बाहिरिएका छन्। विशाल गुरुङलाई ‘प्लेयर अफ दी म्याच’ पुरस्कार एपिएफका विशाल गुरुङलाई ‘प्लेयर अफ दी म्याच’ पुरस्कार दिइएको छ। उनले ११ हजार १ सय ११ रुपैयाँ पुरस्कार स्वरुप प्राप्त गरे।
प्रतियोगिता पुरस्कार
प्रतियोगिताको विजेता टोलीलाई १२ लाख १२ हजार २ सय २२ रुपैयाँ पुरस्कार राशी दिइनेछ भने दोस्रो स्थान प्राप्त टोलीलाई ६ लाख ६६ हजार ६ सय ६६ रुपैयाँ पुरस्कार दिइनेछ।
प्रतियोगिता संरक्षक र सहयोगी
रुपन्देही एन्फाले आयोजना गरेको यस प्रतियोगिता बुटवल उपमहानगरपालिकाको संरक्षक, यशोदा फुड्स प्रालि र त्रिमुर्ति ईण्डस्ट्रिज प्रालिको मुख्य प्रायोजन रहेको छ। साथै, प्रदेश खेलकुद परिषद लुम्बिनीले मुख्य सहयोगीको भूमिका निभाइरहेको छ।
प्रतियोगितामा अन्य सहभागी टिमहरू
प्रतियोगितामा संकटा एफसी, मच्छिन्द्र एफसी, एडोर्न गडवाल स्पोर्टिङ क्लब र जर्जियन एफसीको पनि सहभागिता रहेको छ।
आज दिउँसो दोस्रो खेल चर्च ब्याइज युनाइटेड र नेपाल पुलिस क्लबबीच हुनेछ।
