काठमाण्डू।
रवि लामिछाने नेतृत्वको राष्ट्रिय स्वतन्त्र पार्टीले काठमाण्डूमा शुक्रबार हुने राजावादी र गणतन्त्रवादी दुवैको प्रदर्शनमा आफ्नो पार्टीको सहभागिता नहुने स्पष्ट पारेको छ।
बिहीबार रास्वपाका कार्यबाहक प्रवक्ता मनिष झाले बताएअनुसार, राजावादी र गणतन्त्रवादीका प्रदर्शनहरू सरकारविरुद्धको कार्यक्रम नभएर व्यवस्थापक्ष र विपक्षका मुद्दामा आधारित रहेका कारण रास्वपा दुवै पक्षको प्रदर्शनमा भाग लिने छैन।
उनले थपे, “हामी सरकारको विरोधमा हुने कुनै पनि शान्तिपूर्ण कार्यक्रमहरूमा हाम्रो ऐक्यबद्धता जनाउने छौं, तर यी प्रदर्शनहरू व्यवस्थाको पक्ष र विपक्षमा रहेकाले रास्वपा भाग नलिने निर्णयमा पुगेको हो।”
यसअघि, रास्वपाले १२ चैतमा नेपाल विद्युत् प्राधिकरणको कार्यकारी निर्देशक पदबाट कुलमान घिसिङको बर्खास्तगीको विरोधमा सरकारविरुद्धको प्रदर्शनमा सहभागी हुने संकेत गरेको थियो।
