काठमाडौँ।
काठमाडौँको नागार्जुन नगरपालिका–८, ठूलाखोला नजिकै गएराति खसीबोका लोड गरेको गाडी दुर्घटना हुँदा एक जनाको मृत्यु भएको छ। प्र ३ –०१–०२४ च ८३२२ नम्बरको गाडी सडकबाट चारसय मिटर तल खसेर पल्टिएको हो।
धादिङबाट काठमाडौँ आउँदै गरेको टाटा गाडी विपरित दिशाबाट आउँदै गरेको अर्को गाडीलाई साइड दिने क्रममा दुर्घटना भएको प्रहरीले जानकारी दिएको छ। दुर्घटनामा गम्भीर घाइते गोरखाको भिमसेन गाउँपालिका-४ का ५० वर्षीय गोकुल पाण्डेलाई उपचारका लागि स्वयम्भूस्थित मनमोहन अस्पताल पुर्याइएको थियो, जहाँ चिकित्सकले मृत घोषणा गरे।
गाडीका चालक गोरखाका ४१ वर्षीय जमालुदिन मिया र ४३ वर्षीय रामजी भट्ट घाइते भएका छन्। भट्टको उपचार स्थानीय नर्सरी चोकको मेडिकलमा भइरहेको छ भने चालक मियाको उपचार स्वयम्भूस्थित मनमोहन अस्पतालमा जारी छ। दुर्घटनाका सम्बन्धमा प्रहरीले थप अनुसन्धान गरिरहेको जनाएको छ।
काठमाडौँ।
काठमाडौँको नागार्जुन नगरपालिका–८, ठूलाखोला नजिकै गएराति खसीबोका लोड गरेको गाडी दुर्घटना हुँदा एक जनाको मृत्यु भएको छ। प्र ३ –०१–०२४ च ८३२२ नम्बरको गाडी सडकबाट चारसय मिटर तल खसेर पल्टिएको हो।
धादिङबाट काठमाडौँ आउँदै गरेको टाटा गाडी विपरित दिशाबाट आउँदै गरेको अर्को गाडीलाई साइड दिने क्रममा दुर्घटना भएको प्रहरीले जानकारी दिएको छ। दुर्घटनामा गम्भीर घाइते गोरखाको भिमसेन गाउँपालिका-४ का ५० वर्षीय गोकुल पाण्डेलाई उपचारका लागि स्वयम्भूस्थित मनमोहन अस्पताल पुर्याइएको थियो, जहाँ चिकित्सकले मृत घोषणा गरे।
गाडीका चालक गोरखाका ४१ वर्षीय जमालुदिन मिया र ४३ वर्षीय रामजी भट्ट घाइते भएका छन्। भट्टको उपचार स्थानीय नर्सरी चोकको मेडिकलमा भइरहेको छ भने चालक मियाको उपचार स्वयम्भूस्थित मनमोहन अस्पतालमा जारी छ। दुर्घटनाका सम्बन्धमा प्रहरीले थप अनुसन्धान गरिरहेको जनाएको छ।
