बालेनले पूर्वराजालाई हुलाकबाट पठाए जरिवाना पत्र ।

काठमाडौं ।
काठमाडौं महानगरपालिकाका मेयर बालेन साहले पूर्व राजा ज्ञानेन्द्र शाहलाई हुलाकमार्फत जरिवानाको पत्र पठाएका छन्। आइतबार बिहान जब काठमाडौँ महानगरको प्रहरी टोली पत्र लिएर निर्मल निवास पुगेको थियो। पुर्वराजा ज्ञानेन्द्र शाहको निवासबाट प्रहरीले पत्र बुझ्न अस्वीकार गरेपछि मेयर बालेनले उक्त पत्र हुलाकमार्फत पठाएको काठमाडौ महानगर पालिका सहायक प्रवक्ता ध्रुव कुमार काफ्लेले जानकारी गराएका छन् । काफ्लेले भने, “निर्मल निवासले पत्र बुझ्न अस्वीकार गरेपछि केही समय अघि हुलाकमार्फत जरिवानाको पत्र पठाइएको छ।”

शुक्रबार राजावादी प्रदर्शनकारीहरूले तीनकुने क्षेत्रमा फोहर, तोडफोड र आगजनी गरेपछि काठमाडौँ महानगरपालिकाले पूर्व राजा शाहलाई आठ बुँदामा विभाजित गरी लिखित रूपमा ७ लाख ९३ हजार रुपैयाँ जरिवाना पत्रमा तोकिएको उनले बताए।