बाँके।
दक्षिण कोरियाका राष्ट्रपति युन सुक योललाई संवैधानिक अदालतले महाभियोग सदर गर्दै पदबाट बर्खास्त गरेको छ। शुक्रवार, संवैधानिक अदालतले सैनिक शासन लागू गर्ने प्रयास गरेको कारण महाभियोगलाई समर्थन गर्दै योललाई पदबाट हटाउने निर्णय लिएको हो। महाभियोगका पक्षमा अदालतका आठै सदस्य एकमत थिए। यस निर्णयपछि, अब दक्षिण कोरियामा ६० दिनभित्र आम निर्वाचन गर्नुपर्नेछ।
राष्ट्रपति योलले २०२५ को डिसेम्बर महिनामा देशमा सैनिक कानुन लागू गर्ने घोषणा गरेका थिए। तर, संसद्मा व्यापक विरोधका कारण दुई घण्टामा उक्त घोषणा फिर्ता लिन बाध्य भएका थिए। त्यसपछि, योलविरुद्ध महाभियोगको प्रक्रिया अगाडि बढाइएको थियो।
महाभियोग प्रक्रिया संवैधानिक अदालतद्वारा सदर भएपछि मात्र योल पदबाट हट्नुपर्ने प्रावधानअनुसार उनलाई पदबाट हटाइएको हो। यसबीचमा, प्रधानमन्त्री हान डक सुलाई कार्यवाहक राष्ट्रपतिको जिम्मेवारी दिइएको थियो।
