बैतडी ।
बैतडीमा शुक्रवार राति भएको जीप दुर्घटनामा एक जनाको मृत्यु भएको छ। देहिमाण्डौँबाट गिरेगडातर्फ गइरहेको बिएसी ५६५९ नं को बोलेरो जीप दशरथचन्द नगरपालिका वडा नम्बर ११ को नानीगाडमा दुर्घटनामा परेको हो।
दुर्घटनामा पञ्चेश्वर गाउँपालिका वडा नम्बर ५ का ५४ वर्षीय चन्चले दयालको मृत्यु भएको बैतडीका प्रहरी प्रवक्ता, प्रहरी निरीक्षक बलराम पाण्डेयले जानकारी दिए। चन्चलेको जिल्ला अस्पतालमा उपचारको क्रममा राति नै मृत्यु भएको हो।
यस्तै, पञ्चेश्वरकै ५२ वर्षीय लालीराम कोली, जीप चालक ३५ वर्षीय राकेस कोली र दशरथचन्द नगरपालिका वडा नम्बर १० कि ३० वर्षीया कविता परियार घाइते भएका छन्। सबै घाइतेहरूको जिल्ला अस्पतालमा उपचार भइरहेको छ।
जीप चालकसहित चार जना मात्रै सवार रहेको जीप अनियन्त्रित भएर दुर्घटना परेको बताइएको छ। दुर्घटनाग्रस्त जीप सडकबाट करिब ४० मिटर तल खसेको छ। घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ।
