बाँके।
पूर्व गृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई भैरहवा पुर्याइएको छ। आफनो निवास काठमाडौँबाट शुक्रबार राति पक्राउ परेका लामिछानेलाई आज बिहान भैरहवा लगिएको हो। यती एयरलाइन्सको विमानमार्फत बिहान ९:१२ बजे गौतमबुद्ध विमानस्थलमा उनको अवतरण भएको थियो।
अब उनलाई जिल्ला प्रहरी कार्यालयको हिरासतमा राखिनेछ र विमानस्थलबाट उनलाई प्रहरी कार्यालयमा लगिएको छ। आज र भोलि सार्वजनिक बिदा भएकाले उनलाई सोमबार मात्रै रुपन्देही जिल्ला अदालतमा उपस्थित गराइने भएको छ।
शुक्रवार, उच्च अदालत तुलसीपुरको बुटवल इजलासले लामिछानेलाई सहकारीको रकम ठगेको आरोपमा पुर्पक्षका लागि थुनामा पठाउन आदेश दिएको थियो। न्यायाधीश द्वय रमेश ढकाल र स्वीकृति पराजुलीले उक्त आदेश गरेका थिए। जिल्ला अदालत रुपन्देहीले उनलाई एक करोड धरौटीमा छाड्ने आदेश बदर गरेपछि उच्च अदालतको आदेश अनुसार लामिछानेलाई पक्राउ गरिएको हो।
बुटवलको सुप्रिम सहकारी प्रकरणमा, लामिछानेलाई एक करोड धरौटी रकम मागिएको थियो। धरौटीमा छोड्ने आदेशसँग असहमत भई उनले उच्च अदालतमा निवेदन दिएका थिए। उच्च अदालतले थुनामा राख्नको लागि दिएको आदेशमा जिल्ला अदालतले धरौटीको आदेश खण्डन गरेको छ।
