बाँके।
भारतका लागि नेपाली राजदूत डा. शंकरप्रसाद शर्माले नयाँ दिल्लीमा भारतीय विदेशमन्त्री डा. एस. जयशंकरसँग भेट गरेका छन्। उक्त भेटमा हालै जम्मु–कश्मीरको पहलगाममा भएको आतंकवादी आक्रमणमा एक नेपाली नागरिकको मृत्यु भएकोप्रति समवेदना प्रकट गरिएको छ।
भारतीय विदेशमन्त्री जयशंकरले सामाजिक सञ्जाल ‘एक्स’ मार्फत जानकारी दिँदै, “नेपाली राजदूत शर्मासँग भेट भएको बताएका छन् । पहलगाम आक्रमणमा एक नेपाली नागरिकको निधन भएकोप्रति उनले समवेदना व्यक्त गरेका हुन । साथै, उनले भनेका छन् , `हाम्रा द्विपक्षीय सम्बन्धमा भएका पछिल्ला विकासहरूबारे पनि छलफल भयो ।”
राजदूत शर्माले पनि आफूले उक्त भेटमा नेपाल सरकार र नेपाली जनताको तर्फबाट भारत सरकार र भारतीय जनताप्रति समवेदना प्रकट गरेको जानकारी दिए। उनले भने “मैले पहलगाम घटनाको विरुद्धमा नेपाल सरकार र नेपाली जनताको ऐक्यबद्धता रहेको जानकारी गराएँ। साथै, प्रधानमन्त्री, परराष्ट्र मन्त्री तथा पूर्वप्रधानमन्त्रीहरूद्वारा प्रकट गरिएको समवेदना तथा ऐक्यबद्धताबारे पनि जानकारी गराएँ।”
उनले जयशंकरसँग द्विपक्षीय सम्बन्धका विविध पक्षबारे छलफल भएको पनि बताए। “यसबीचमा दुई देशका विदेशमन्त्रीहरूबीच पटक–पटक भेटघाट भइरहेको छ। ती भेटमा उठाइएका विषयहरूबारे छलफल भएको हो,” राजदूत शर्माले बताए।
नेपाल–भारत सम्बन्धमा हालै भएका सकारात्मक गतिविधिहरू र सहकार्यका क्षेत्रमा भइरहेका प्रयासहरूलाई थप मजबुत बनाउने विषयमा समेत छलफल भए
