काठमाडौँ । हलिवुड अभिनेत्री एम्बर हर्ड जुम्ल्याह सन्तानकी आमा बनेकी छन् । अभिएन्त्री हर्डले आफु जुम्ल्याह सन्तानको आमा बनेको जानकारी दिएकी हुन् । योसँगै हर्ड अब तीन सन्तानकी आमा बनेकी छन् ।
अभिनेत्रीले इन्स्टाग्राममा लेखेकी छिन्- उनले परिवारमा जुम्ल्याहा बच्चाहरूलाई स्वागत गरेकी छिन्, जसको नाम छोराको ओशन हो र छोरीको एग्नेस हो ।’ उनले उनीहरूको सानो खुट्टाको तस्बिरसँगै यो खबर साझा गरेकी छन् ।
३९ बर्षिय हर्डले लेखेकी छन्- ‘मेरो आफ्नै प्रजनन चुनौतीहरूको बावजुद आफैं र आफ्नै शर्तमा आमा बन्नु मेरो जीवनको सबैभन्दा राम्रो अनुभव भएको छ । म यो जिम्मेवारीपूर्वक र सोचविचारपूर्वक छनौट गर्न सक्षम भएकोमा सधैं आभारी छु ।’
आफ्ना पूर्व पति जोनी डेपसँगको उच्च प्रोफाइल कानुनी लडाइँ पछि स्पेन सरेकी हर्डकी चार वर्षीया छोरी उनाघकी आमा पनि हुन् ।
अभिनेत्री हर्डले बच्चाका पिताको नाम भने सार्बजनिक गरेकी छैनन् । यसअघि अभिनेत्री हर्ड र विश्वकै धनि व्यापारी एलन मस्कसँग सम्बन्धमा रहेकी थिइन् । अहिले उनले जुम्ल्याह सन्तानको आमा बनेको घोषणा गरेपछि बच्चाको पिता मस्क नै भएको सामाजिक सञ्जाल र मिडियामा चर्चा रहेको छ ।
