काठमाडौं –
निर्वाचन आयोगले नागरिक उन्मुक्ति पार्टी (नाउपा) को अध्यक्षमा रञ्जिता श्रेष्ठ यथावत रहने निर्णय गरेको छ ।
आयोगले राजनीतिक दलसम्बन्धी ऐन र पार्टीको विधानका आधारमा श्रेष्ठ नै अध्यक्ष कायम रहने निर्णय गरेको हो ।
साउन १५ गते काठमाडौंमा सम्पन्न नाउपाको राष्ट्रिय भेलाले लालवीर चौधरीलाई अध्यक्ष चयन गरी आयोगमा अद्यावधिक गर्न निवेदन थियो ।
आयोगले पार्टी दर्ता हुँदा २१ सदस्यीय केन्द्रीय समितिमा चौधरीको नाम समावेश नभएकाले उहाँलाई अध्यक्षको रूपमा मान्यता दिन नसकिने निर्णय गरेको समेत स्रोतले जानकारी गराए ।
स्रोत भन्छन्, बर्दियाबाट २०७९ को निर्वाचनमा स्वतन्त्र उम्मेदवारका रूपमा प्रतिनिधि सभा सदस्यमा निर्वाचित भएपछि मात्र चौधरी नाउपामा प्रवेश गरेको थिए ।
स्रोतका अनुसार, चौधरी पार्टीका संरक्षक तथा संस्थापक नेता रेशम चौधरीका पिता हुन् । भने श्रेष्ठ पत्नी हुन् । पत्नी श्रेष्ठलाई अध्यक्ष पदबाट हटाउँदै बाबु लालवीर चौधरीलाई अध्यक्ष बनाएका थिए ।
