बर्दियाका १५ वटा विद्यालयमा पहुँचयुक्त खानेपानी, सरसफाई तथा स्वच्छताका संरचना हस्तान्तरण

बर्दिया, चैत १९ गते

बर्दिया जिल्लाका १५ वटा सामुदायिक विद्यालयलाई खानेपानी सरसफाई तथा स्वच्छता संरचनाहरु मर्मत संभार तथा नयाँ निर्माण गरिएका संरचना छुटाछुटै कार्यक्रमको आयोजना हस्तान्तरण गरिएको छ । गुलरिया र बारबर्दिया नगरपालिकाका ५/५ वटा, ठाकुरबाबा नगरपालिकाको २, मधुवन नगरपालिकाको १ वटा र गेरुवा गाँऊपालिकाको २ वटा विद्यालयमा आईतबार हस्तान्तरण गरिएको हो । हस्तान्तरण कार्यक्रमका प्रमुख अतिथि तथा लुम्बिनी प्रदेश सभा सदस्य राजकुमार चौधरी विद्यालयलाई तिन तारा पु¥याउनका लागि प्रदेश सरकारले सहकार्य गर्ने प्रतिबद्धता जनाउनु भयो । पहुँचयुक्त खानेपानी सरसफाई तथा स्वच्छता सुविधाले विद्यालयमा सुन्दरतासंगै शैक्षिक गुणस्तर बढाउनमा सहयोग पुग्ने अपेक्षा लिनु भएको छ । उक्त संरचनाको दिगोब्यबस्थापनका लागि विद्यालय परिवार र समुदाय सचेत हुनुपर्ने बताउनु भएको छ । यस अघि निर्माण भएका कतिपय संरचनाहरुमा समुदायबाट नै क्षति पुर्याएको पाईएकोले अभिभावक शिक्षाको आवश्यकता रहेको औल्याउनु भएको छ । सरकारी स्तरबाट गर्नु पर्ने कामलाई गैरसरकारी निकायबाट लगानी गर्नु सह्रानीय कार्य भएको भन्दै धन्यबाद ज्ञापन गर्नु भएको छ । सहयोगी संस्थाहरुलाई यसरी नै निरन्तर हाँतेमालोको अपेक्षा गर्नु भएको छ । साँसद चौधरीले तीनै तहका सरकारले विद्यालयको सुधार तथा संरचना निर्माणका लागि कामहरु गर्नु पर्ने बताउदै आफुले प्रदेश सरकारबाट सहयोग गर्न तयार रहेको बताउनु भएको छ । गेरुवा गाँउपालिकाका अध्यक्ष जमान सिंह केसीले बेसले बनाएको पहुँच युक्त संरचनाहरुको संरक्षण र दिगो प्रयोगको जिम्मेवारी विद्यालय, वडा र पालिकाको रहेको बताउनु भयो । गुलरिया नगरपालिकाका उपप्रमुख साबित्रा गौतमले सामान्य खर्चले विद्यालयका खानेपानी सरसफाई तथा स्वच्छता संरचनाहरु मर्मत संभार गर्न सकिने जसका लागि विद्यालयले मर्मत संभारका लागि प्राथमिकता राख्नुपर्ने सुझाव दिभएको छ । विद्यालय अनुगमनको क्रममा बारबर्दिया नगरपालिकाका उप प्रमुख रत्ना कुमारी पाण्डेले बेस संस्थाले थोरै लगानीमा धेरै संरचनाहरु प्रयोगमा ल्याउन सकिने र थोरै श्रोतले धेरै संख्यमा सेवा दिन सकिने एक उदाहरणिय कार्य भएको छ । यो पालिकाको लागि राम्रो सिकाई हो हामिले नयाँमा मात्र ध्यान दिनु भन्दा भएकालाई संरक्षण र दिगो प्रयोग गर्नु पर्छ त्यसका लागि मर्मत संभारका लागि कार्यविधि तयारी प्रकृया अगाडी बढाएको जानकारी गराउनु भएको छ । कार्यक्रममा वाटर एडका परियोजना प्रबन्धक उमाशंकर यादबले नेपाल सरकारको खानेपानी सरसफाई तथा स्वच्छता कार्यविधि २०७४ को कार्यन्वयनका लागि पुलको काम गरेको बताउनु भएको छ । विद्यालयहरुमा खानेपानी सरसफाई तथा स्वच्छताको लागि आवश्यक पर्ने आर्थिक, प्राविधिक सहयोग गरेर निर्माण तथा मर्मत सम्भार गरिएका संरचनाहरु साथै सामाग्रीहरु हस्तान्तरण गरेको बताउनु भएको छ । यसको प्रयोग र संरक्षणमा विद्यालय परिवार र समुदाय सचेत हुनु पर्ने बताउनु भएको छ । उहाँले प्रदेश सभा संचालन भएको बेलामा वासको बारेमा बहसको रुपमा आवाज उठाईदिनका लागि प्रदेश सांसदलाई आग्रह गर्नु भएको छ । जसले लुम्बिनी प्रदेश भरी खानेपानी सरसफाई र स्वच्छताको क्षेत्रमा नमुना बन्न सक्ने बिश्वास ब्यक्त गर्नु भएको छ । बेस संस्थाको द्वारा गुलरिया नगरपालिकाको ५ विद्यालय, मधुवन नगरपालिकामा १ विद्यालय, ठाकुरबाबा नगरपालिकामा २ विद्यालय, बारबर्दिया नगरपालिकामा ५ विद्यालय र गेरुवा गाँऊपालिकामा २ विद्यालय गरि जम्मा १५ वटा विद्यालयमा रु २ करोड ६१ लाख ४५ हजार १ सयको अनुमानित बजेटमा खानेपानी, हातधुने स्थान शौचालयका नयाँ निर्माण तथा पुराना संरचनाको मर्मत गर्ने योजना रहेकोमा जम्मा २ करोड ५८ लाख ३३ हजार ५ सय ४९ रुपैयाँको बास्तविक खर्च रहेको बेस संस्थाका प्राविधिक इन्जिनियर वसन्त यादवले जानकारी दिनु भयो । पहुँचयुक्त शौचालय निर्माण, पुराना शौचालयहरुको मर्मत संभार, तुटी सहित हात धुने स्थान, खानेपानी सुद्धिकरण सहित तुटीहरु जडानमा सहयोग र स्वास्थ्य सामाग्रीहरु हस्तान्तरण गरिएको छ । निर्माण तथा मर्मत गरिएको संरचनामा प्रयोगका लागि प्रत्येक विद्यालयमा ५ लिटरको ५ पिस बालटिन, आधा लिटरको ५ वटा जग, एक सय ग्रामको हात धुने सावुन ४ सय पिस, आधा लिटरको शौचालय सफाई केमिकल(हर्पिक) ५ पिस, शौचालय ब्रस ५ पिस, १० लिटरको डस्टविन (प्याड ब्यबस्थानकाको लागि) ५ पिस, ४० लिटरको डस्टविन १५ पिस, पाईप रिन्च २ पिस, सलाई रिन्च २ पिस, हेक्सो ब्लेड फ्रेम (पाँच वटा ब्लेड सहित) एक पिस, उपकरण बक्स र प्राथमिक उपचारको समान बक्स पनि हस्तान्तरण गरिएको छ । खानेपानी सरसफाई तथा स्वच्छताका संरचनाहरुलाई मर्मत गरि पहुँचयुक्त, प्रयोग योग्य तथा लैङ्गिक मैत्री बनाइएको छ भने नभएका स्थानमा नयाँ निर्माण गरिएको छ । उक्त संरचनाहरु वाटर एड नेपालको आर्थिक सहयोगमा राष्ट्रिय अपाङ्ग महाँसघ नेपाल र नेपाल प्रजनन् स्याहार केन्द्रको प्राविधिक सहयोगमा बेस संस्थाद्वारा संचालित वास गेन्स परियोजनाको सहयोगमा निर्माण गरिएको हो । परियोजनाले बर्दिया जिल्लाको गुलरिया, ठाकुरबाबा, बारबर्दिया, मधुवान नगरिपालिका र गेरुवा गाँउपालिकाका ३३ वटा विद्यालयका १३ हजार ५ सय बालबालिकालाई सरसफाई सुविधा उपलब्ध गराउनुका साथै स्वच्छकर बानीसुधार र महिनावारी स्वच्छताका कार्यक्रमहरु गरि विद्यालयको पढाईको गुणस्तरमा बृद्धि गरी दिगो विकासको लक्ष्य ४ लाई सहयोग गर्ने लक्ष्यका साथ काम गर्ने रहेको छ । विद्यालय खानेपानी सरसफाई तथा स्वच्छता सम्बन्धि कार्यविधि २०७४ अनुसार विद्यालयमा स्वच्छता सुविधामा ३ तारा पु¥याउनका लागि आवश्यक संरचना निर्माणका साथै विद्यालयका व्यवस्थापन समिति, शिक्षक अभिभावक संघ, विद्यालय खानेपानी सरसफाई तथा स्वच्छता समन्वय समिति र बाल तथा किशोरी क्लवहरुलाई क्षमता विकासको कामहरु भैरहेको तालिम अधिकृत दुर्गा बहादुर चौधरीले जानकारी दिनु भयो । हस्तान्तरण कार्यक्रमहरुमा प्रदेश सासंद राजकुमार चौधरी, सम्बन्धित पालिकाका प्रमुख/अध्यक्ष, उपप्रमुख/उपाध्यक्ष, वडाका वडा अध्यक्षहरु, सदस्यहरु, प्रधानाध्यापक तथा शिक्षकहरु, विद्यार्थी, अभिभावक लगायत विद्यालय व्यवस्थापन समितिका पदाधिकारीहरुको सहभागिता रहेको थियो ।