बिर्तामोड असार ११
कार्यक्रम झापा अध्यक्ष रमेश तिवारीको अध्यक्षता र बिर्तामोड नगरपालिकाकी प्रमुख पबित्रा महतरा प्रसाईको, प्रमुख आतिथ्यतामा सम्पन्न भएको थियो।
चलचित्र पत्रकारिता सम्बन्धी झापाका पत्रकारहरुलाई जानकारी दिने उदेश्यले आयोजना गरिएको तालिमको चलचित्र पत्रकार संघ नेपालका केन्द्रिय अध्यक्ष समिर बलामी र चलचित्र पत्रकार शान्ति प्रियाले सहजिकरण गरेका थिए। तालिमामा झापाका बिभिन्न संचार माद्यममा कामगर्ने ४० भन्दाबडी पत्रकारहरुको सहभागिता रहेको थियो।
तालिमको उद्घाटन समारोहमा बोल्दै अध्यक्ष बलामीले इन्टरनेटको प्रयोग बढेसँगै पत्रकारितामा चुनौती थपिएको र पछिल्लो समय सामाजिक सञ्जाल पत्रकारिताको लागि चुनौती बन्दै गएको बताउँदै उनले पत्रकारिता गर्न प्रबिधिमा दक्षसँगै नयाँपन हुन आवश्यक रहेको बताएका छन् । अध्यक्ष बलामीले चलचित्र पत्रकारिताको पहिले र अहिलेको अवस्थाका बारेमा जानकारी दिदै हाल अधिकांश मिडियाहरुले बिज्ञापनलाई समाचारको रुपमा प्रस्तुत गर्ने गरेको बताए । तेस्तै बरिष्ठ चलचित्र पत्रकार शान्ति प्रियले नेपाली चलचित्र पत्रकारिताको इतिहास र ५० को दसकमा चलचित्र र पत्रकारितामा प्रबिधीले ल्याएको परिवर्तन को बिषयमा प्रशिक्षण दिएका थिए।
उद्घाटन कार्यक्रममा नेपाल पत्रकार महासंघ झापा शाखा उपाध्यक्ष केशव भट्टराई, पत्रकार सुव्रत न्यौपाने, चलचित्रकर्मी संघका केन्द्रिय सदस्य मिजास पोखरेल, नेपाल चलचित्रकर्मी संघका कोशी प्रदेश अध्यक्ष केवल तामाङलगायतले शुभकामना मन्तव्य राखेका थिए । संघकी झापा सदस्य सुनिता तामाङले स्वागत गरेको कार्यक्रमको सञ्चालन झापा सह–सचिव सुरज प्रधानले गरेका थिए ।
