बर्दिया
न्युजिल्याण्डले पाकिस्तानलाई ५ विकेटले पराजित गर्दै तीन खेलको टि ट्वान्टी आई सिरिजमा २-० को बढत बनाएको छ। मंगलबारको दोस्रो खेलमा न्युजिल्याण्डले पाकिस्तानको १ सय ३६ रनको लक्ष्य १३.१ ओभरमा ५ विकेट गुमाएर हासिल गर्यो।
बर्षाको कारण खेललाई १५ ओभरमा सीमित गरिएको थियो।न्युजिल्याण्डका लागि टिम साइफर्टले २२ बलमा ४५ रनको शानदार पारी खेले, जसमा ३ चौका र ५ छक्का समावेश थिए। फिना एलेनले १६ बलमा ३८ रन जोडे, जबकि मिचेल हायले २१ रन जोडे। पाकिस्तानका बलरहरुमा हरिस रउफले २ विकेट लिए भने जहादद खान, मोहमम्द अलि र खुसदिल शाहले १-१ विकेट लिएका थिए।
पाकिस्तानले टस हारेर ब्याटिङ गर्दै १५ ओभरमा १ सय ३५ रन बनाएको थियो। सलमान आगाले ४६ रन बनाउँदै सर्वाधिक योगदान पुर्याए, उनले २८ बलमा ४ चौका र ३ छक्का प्रहार गरे। यद्यपि, पाकिस्तानको अन्य ब्याटरहरु इफान खान, मोहम्मद हरिस र अब्दुल समाद ११ रनमा आउट भए।
न्युजिल्याण्डका बलर ज्याकोब डफी, जिम्मी निशम, इश सोडी र बेन सेयर्सले समान २-२ विकेट लिए, जसले पाकिस्तानलाई सस्तो मूल्यमा समेट्न महत्वपूर्ण भूमिका खेल्यो।
अब सिरिजको तेस्रो र अन्तिम खेल शुक्रबार हुने छ, जहाँ पाकिस्तानले सिरिजमा फर्कने प्रयास गर्नेछ।
