बर्दिया । मधेस प्रदेश सरकारले आगामी एसइई परीक्षामा भाग नलिने निर्णय गरेको छ। मुख्यमन्त्री सतिश कुमार सिंहले मंगलबार पत्रकार सम्मेलन गर्दै परीक्षा समन्वय समितिहरूको निर्देशनको उल्लङ्घनपछि प्रदेश सरकारले परीक्षा प्रक्रियाबाट बाहिरिने घोषणा गरेका छन्। सिंहले २० वर्षदेखि शिक्षा अधिकारीहरूले मधेस प्रदेशका परीक्षामा चलखेल गर्दै विद्यार्थीहरुको भविष्यसँग खेलबाड गरिरहेको आरोप समेत लगाए। सिंहले भने, "परीक्षाको केन्द्र अध्यक्ष चयन प्रक्रिया सम्बन्धी प्रदेश सरकारले गरेको निर्देशनको पालना नगरिएपछि अब हामी यो परीक्षामा सहभागी हुदैनौं।" उनले एसइई परीक्षा समाप्त भइसकेपछि शिक्षा अधिकारी र अन्य निकायहरूको अनुगमन गरी कडा कदम चाल्ने चेतावनी पनि दिए। प्रदेश सरकारले गत फागुन महिनामा केन्द्राध्यक्षको चयन गोला प्रथाबाट गर्न निर्देशन…
