बाँके।
पञ्जाब किंग्सले इण्डियन प्रिमियर लिग (आइपिएल) मा लगातार दोस्रो जित हात पारेको छ। मंगलवार भएको खेलमा पञ्जाबले लखनउ सुपर जायन्ट्सलाई ८ विकेटले पराजित गर्यो।
लखनउले दिएको १ सय ७२ रनको लक्ष्य पञ्जाबले १६.२ ओभरमा २ विकेट गुमाएर पूरा गर्यो। पञ्जाबको जितमा ओपनर प्रभसिमरन सिंहले शानदार ६९ रनको योगदान गरे, जसमा उनले ३४ बलमा ९ चौका र ३ छक्का हिट गरे। उनले कप्तान श्रेयस ऐरसँग मिलेर दोस्रो विकेटका लागि ८४ रनको महत्वपूर्ण साझेदारी गरे। कप्तान ऐर ३० बलमा ३ चौका र ४ छक्काको साथ ५२ रनमा नट आउट रहे।
तेस्रो विकेटका लागि कप्तान ऐर र नेहाल बढेराले ६७ रनको विजयी साझेदारी गरे, जसमा नेहालले २५ बलमा ३ चौका र ४ छक्का हिट गर्दै ४३ रन बनाएका थिए। लखनउका दिग्वेश राठीले पञ्जाबका लागि एक-एक विकेट लिए।
यसअघि लखनउस्थित एकाना अन्तर्राष्ट्रिय क्रिकेट स्टेडियममा टस हारेर ब्याटिङको निम्तो पाएको लखनउले २० ओभरमा १ सय ७१ रन बनायो र ७ विकेट गुमायो। निकोलस पुरनले ३० बलमा ५ चौका र २ छक्का हिट गर्दै सर्वाधिक ४४ रन जोडे, भने आयुष बदोनीले ४१ रन बनाएका थिए।
पञ्जाबका लागि अर्शदिप सिंहले ३ विकेट लिए, जबकि लकि फर्गुसन, ग्लेन म्याक्सवेल, मार्को यानसन र युजभेन्द्र चहलले समान १ विकेट लिएका थिए।
यो जितसँगै पञ्जाब किंग्स ४ अंकका साथ तालिकाको दोस्रो स्थानमा उक्लिएको छ, जबकि लखनउ सुपर जायन्ट्स २ अंकका साथ छैठौं स्थानमा रहेको छ।
