धनकुटा। धनकुटाको भेडेटारमा प्रहरीले ३ क्विन्टल गाँजासहित एक जना व्यक्तिलाई पक्राउ गरेको छ। सोमबार राति गस्तीमा निस्केको प्रहरी टोलीले शंकास्पद अवस्थामा एउटा मारुती कारलाई नियन्त्रणमा लिँदै ३ सय किलोग्राम गाँजा बरामद गरेको हो। प्रहरीका अनुसार, साँगुरीगढी गाउँपालिका वडा नम्बर ६ स्थित भेडेटार–रवि–राँके सडक खण्डमा को १ च ३४७८ नम्बरको मारुती कारलाई रोकिएको थियो। उक्त कारको खानतलासी गर्दा कालो प्लाष्टिकमा लपेटिएका १० पोका गाँजा फेला बरामद भयो । गाँजा बरामदपछि कार चालक विराटनगर महानगरपालिका वडा नम्बर १५ का २६ वर्षीय प्रिन्सकुमार साहलाई पक्राउ गरिएको छ। उनलाई हाल धनकुटा जिल्ला प्रहरी कार्यालयको हिरासतमा राखेर अनुसन्धान भइरहेको छ। प्रहरीका अनुसार, साहले गाँजा…
