बाँके।
नेपाल शिक्षक महासंघको आव्हानमा देशभरका शिक्षकहरूले पुनः आन्दोलन सुरु गरेका छन्। बुधबार दिउँसो विभिन्न स्थानबाट शिक्षकहरूले माइतीघर मण्डलामा भेला भएर बिजुली बजारसम्म दबाबमूलक र्याली निकाल्दै शिक्षामा सुधारका लागि संघर्षको उद्घोष गरेका छन्। महासंघले आफ्नो मागमा आवधिक बढुवा, शिक्षामा राजनीतिक हस्तक्षेप अन्त्य, निजामती सरह सेवा सुविधा र संवैधानिक शिक्षा आयोगको व्यवस्था गर्दै नयाँ युग अनुसारको कानूनको माग गर्दै ‘काठमाडौं जाऔँ’ अभियान सुरु गरेको छ।
महासंघको यो आन्दोलन अनिश्चितकालीन शैक्षिक आन्दोलनको रूपमा अघि बढेको छ। २०२८ को पञ्चायत कालको ऐनमात्रै लागू हुने भन्दै महासंघले नयाँ व्यवस्थाको माग राखेको छ। भोलिबाट (आजबाट) हरेक दिन बिहान ११ बजेदेखि ४ बजेसम्म माइतीघरदेखि बानेश्वर सडक खण्डमा प्रदर्शनको कार्यक्रम राखिएको महासंघले जनाएको छ।
शिक्षकहरूको यो आन्दोलन शिक्षण पेशाको हकमा सुधार र अधिकारको आन्दोलनको रूपमा उल्लेखनीय भएको छ।
