शौचालयमा लडेर प्रचण्ड घाइते

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ शौचालयमा लडेर घाइते भएका छन् । खुमलटारस्थित निवासमा गएराति शौचालयमा लडेर उनी घाइते भएका हुन्।प्रचण्ड घाइते भएपछि उपचारका लागि मेडिसिटी अस्पतालमा लगिएको थियो । उनको टाउको र निधारमा चोट लागेकाले टाँचा लगाइएको छ । अस्पताल स्रोतका अनुसार उनको अवस्था सामान्य रहेको छ ।

काठमाडौं । पाकिस्तानको सेनाले भारतका ५ वटा फाइटर जेट खसालेको दाबी गरेको छ। फ्रान्समा निर्मित तीनवटा राफेल बिमान र दुइटा रूसमा बनेका लडाकु जहाज खसालेको उसले दावी गरेको स्रोतले जनाएको छ । भारतीय विमानहरूले पाकिस्तानमाथि आक्रमण गरेपछि आफूहरूले  पनि भारतीय विमानमाथि आक्रमण गरेर खसालेको पाकिस्तानी सेनाले जनाएको छ । विमान खसालेको पाकिस्तानी दाबीबारे भारतले अहिलेसम्म कुनै प्रतिक्रिया दिएको छैन । यदि यो पुष्टि भयो भने, यो भारतीय सेनाको लागि दशकौंपछिको सबैभन्दा ठूलो क्षति हुनेछ । राफेल लडाकु विमान भारतीय सेनाको आधुनिकीकरण गर्ने योजना अन्तर्गत भारतले किनेको हो।भारतीय वायुसेनासँग ३६ वटा राफेल लडाकु विमान रहेका छन् । यसअघि भारतले बुधबार बिहान पाकिस्तानमाथि…

काठमाडौँ । भारत सरकारले 'अपरेशन सिन्दूर' सुरु गरेको बताएको छ ।भारत सरकारले यो कारबाहीले पाकिस्तान र पाकिस्तान प्रशासित कश्मीरमा रहेको आतंकवादी पूर्वाधारलाई लक्षित गरेको बताएको छ, जहाँबाट भारतमा आतंकवादी हमलाहरूको योजना बनाइएको र कार्यान्वयन गरिएको थियो । विज्ञप्तिमा कुल नौ स्थानहरूलाई लक्षित गरिएको पनि भनिएको छ ।अर्कोतर्फ, पाकिस्तानको सरकारी टेलिभिजनले सेनाका प्रवक्तालाई उद्धृत गर्दै भारतीय सेनाले पाकिस्तानमा तीन स्थानमा मिसाइल आक्रमण गरेको बताएको छ ।

काठमाडौं । आज संघीय संसद्को दुवै सदनको बैठक आज बस्दैछ । प्रतिनिधिसभाको बैठक बिहान ११ बजेदेखि बस्ने तालिका रहेको छ ।बैठकमा नीति तथा कार्यक्रममाथि छलफल जारी रहनेछ । आर्थिक वर्ष २०८२/०८३ को सरकारको वार्षिक नीति तथा कार्यक्रममाथि छलफल जारी रहने संसद् सचिवालयले जनाएको छ ।

काठमाडौँ । प्रधानमन्त्री केपी शर्मा ओलीले प्रदिप नेपालको निधनले आफुलाई पीडाबोध भएको बताएका छन् ।सामाजिक सञ्जालमा लेख्दै प्रधानमन्त्री ओलीले नेकपा (एमाले)को निर्माणमा महत्वपूर्ण भूमिका खेल्नु भएका, नेपाली कम्युनिष्ट आन्दोलनका प्रखर नेता, प्रगतिशील साहित्य लेखनमा सञ्जय थापाको छुट्टै परिचय बनाएका नेपालको निधनले पीडाबोध भएको उल्लेख गरेका हुन् । उनले विभिन्न जिम्मेवारीमा सहकार्यका दिनहरू झल्झली सम्झना आइरहेको उल्लेख गर्दै नेपालप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना व्यक्त गरेका छन् ।उनले भनेका छन्  नेकपा (एमाले)को निर्माणमा महत्वपूर्ण भूमिका खेल्नु भएका, नेपाली कम्युनिष्ट आन्दोलनका प्रखर नेता, प्रगतिशील साहित्य लेखनमा सञ्जय थापाको छुट्टै परिचय बनाउनु भएका मेरा सहयोद्धा प्रदीप नेपालको निधनले पीडाबोध भएको…

हेटौंडा । बागमती प्रदेश सरकारले बुधबार सार्वजनिक बिदा दिएको छ । भाषा दिवसको अवसरमा वैशाख २४ गते प्रदेश सरकारले सार्वजनिक बिदा दिएको हो ।आन्तरिक मामिला तथा कानून मन्त्रालयले एक सूचना जारी गर्दै भाषा दिवसको अवसरमा सार्वजनिक बिदा दिएको जानकारी गराएको हो । प्रदेश सरकारी कामकाजी भाषा ऐन २०७९ कार्यान्वयन भएको अवसरमा ‘भाषा दिवस’ मनाउने गरी प्रदेशभर सावजनिक बिदा दिइएको मन्त्रालयकी सूचना अधिकारी रविता कार्कीले जानकारी दिएकी छन् ।प्रदेश राजपत्रको खण्ड ८ संख्या ३२ प्रदेश राजपत्र भाग ३ मिति २०८१ चैत्र २१ गते प्रकाशित सूचना बमोजिम वैशाख २४ गते प्रदेश सरकारको सरकारी कामकाजको भाषा सम्बन्धी दिवसको अवसरमा प्रदेशभर सार्वजनिक विदा दिने…

काठमाडौँ । काठमाडौँ महानगरपालिका–५ नक्साल स्थित भाटभटेनी सुपरमार्केट एन्ड डिपार्टमेन्टल स्टोरबाट रक्सी, चुरोट र सितन चोरी गरेको आरोपमा एक जना पक्राउ परेका छन् । पक्राउ पर्नेमा दोलखाको बैतेश्वर गाउँपालिका–३ घर भई हाल भक्तपुर ठिमी बस्ने ३७ वर्षीय विमल श्रेष्ठ रहेका छन् ।श्रेष्ठले गत वैशाख २० गते भाटभटेनीको ग्रोसरी डिपार्टबाट २ लाख १७ हजार ९६६ रुपैयाँ बराबरको सामान चोरी गरी फरार भएका थिए ।उनलाई २१ गते भक्तपुरको ठिमीबाट पक्राउ गर्न सफल भएको जिल्ला प्रहरी परिसर काठमाडौँका प्रहरी उपरीक्षक अपीलराज बोहराले जानकारी दिए । उनलाई काठमाडौँ जिल्ला अदालतबाट ५ दिन म्याद थप गरी अनुसन्धान भइरहेको प्रहरीले जानकारी दिएको छ

काठमाडौँ । क्रिस्टियानो रोनाल्डोका छोरा क्रिस्टियानो जुनियर पोर्चुगलको यु-१५ राष्ट्रिय टिममा छानिएका छन् ।मिडिया रिपोर्टका अनुसार क्रिस्टियानो जुनियरलाई क्रोसियामा यहि मे १३ देखि १८ सम्म क्रोसियामा हुने भल्टको मार्कोभिक प्रतियोगिताका लागि पोर्चुगलको यू-१५ टिममा सामेल गरिएको हो ।१३ बर्षिय क्रिस्टियानो जुनियर हाल अल नासरको एकेडेमीमा खेलिरहेका छन् ।पोर्चुगलले यस प्रतियोगितामा चार खेल खेल्ने बताइएको छ । क्रिस्टियानो जुनियरले पोर्चुगलको जर्सीमा खेल्न लागेको यो पहिलो पटक हुने छ ।

काठमाडौँ । भारत र बेलायत मंगलबार स्वतन्त्र व्यापार सम्झौतामा सहमत भएका छन् ।यसपछि, दुवै देशले एक व्यापक व्यापार सम्झौताको घोषणा गरेका छन्, जसले धेरैजसो वस्तु र सेवाहरूमा लगाइएको भन्सार हटाउने व्यवस्था गरेको छ ।यो कदमले भारत र अमेरिका लगायत अन्य देशहरू बीच पनि यस्तै सम्झौताहरूको लागि मार्ग प्रशस्त गर्न सक्ने बताइएको छ ।प्रधानमन्त्री नरेन्द्र मोदीले सामाजिक सञ्जालमा पोस्ट गर्दै यो सम्झौतालाई ऐतिहासिक उपलब्धि भनेका छन् । प्रधानमन्त्री मोदीले यसले दुई देशबीचको रणनीतिक साझेदारीलाई अझ बलियो बनाउने बताए ।उनले लेखेका छन्- 'मेरो साथी प्रधानमन्त्री केयर स्टारमरसँग कुरा गर्न पाउँदा खुशी लाग्यो । भारत र बेलायतले एक ऐतिहासिक कदममा बलियो र लाभदायक…