काठमाडौँ : भैरहवास्थित गौतमबुद्ध अन्तर्राष्ट्रिय विमानस्थलबाट एकसाथ चारवटै वायुसेवा कम्पनीले उडान स्थगन गरेका छन्। लोड नभएको (यात्रु उपलब्धता कम भएको) भन्दै जजिरा एयरवेज, थाइ एयर एसिया, कतार एयरवेज र फ्लाई दुबईले मंगलबार (अप्रिल १) देखि उडान स्थगन गरेको नागरिक उड्डयन प्राधिकरणले जनाएको छ। यहाँका व्यवसायीलाई अहिले उडान गर्दै आएका विमान कम्पनीहरूले समेत उडान स्थगित गरेपछि अर्को चिन्ता थपेको हो । कात्तिकदेखि कतार, थाई एयर एसिया, जजिरा, फ्लाइ दुबई र नेपाल एयरलाइन्स गरी पाँच वटा वायुसेवाले नियमित उडान थालेका थिए।
