भारतको मध्य प्रदेशमा इनारमा गाडी खस्दा १२ जनाको ज्यान गएको छ । मध्य प्रदेशको रतलाम जिल्लामा भएको दुर्घटनामा १२ जनाले ज्यान गुमाएका त्यहाँको प्रहरीले पुष्टि गरेको भारतीय सञ्चारमाध्यमले जनाएका छन् । इनारमा खस्नुअघि गाडी मोटरसाइकलसँग ठोक्किएको थियो । त्यसपछि चालकले नियन्त्रण गुमाएका र नजिकैको इनारमा खसेको प्रहरीको भनाइ छ । दुर्घटनामा मोटरसाइकल चालक, गाडीमा सवार र उनीहरूलाई जोगाउन इनारमा हाम फालेका एक व्यक्तिको ज्यान गएको हो ।
