सिरहा, २५ मार्च - गत फागुन २९ गते हराएकी १३ वर्षीया गुलशना खातुनको शव सिरहाको गोलबजार नगरपालिका-९ गोविन्दपुर गाउँमा जुटको बोरामा बेरेर गाडिएको अवस्थामा भेटिएको छ। सिरहाका स्थानीय स्रोतका अनुसार, गुलशना खातुन २९ गते फागुन बिहान ९ बजे घर बाहिर निस्केकी थिइन्, तर त्यसपछि उनी फर्किनन्। मंगलबार बिहान गोठालाले झाडी बुट्यान छेउबाट गन्ध आएको चर्चा गरेपछि स्थानीयहरूले इलाका प्रहरी कार्यालय मिर्चैया जानकारी गराए। पछि घटनास्थलमा पुगेर प्रहरीले घुर्मी खोला किनारमा तीन फिट गहिरो खन्दा जुटको बोरामा बालिकाको शव फेला पारेको जानकारी दिएका छन्। पूर्ववडाध्यक्ष रामपुकार कामतीले भने, "गाउँमा बालिका हराएको खबर फैलिएको थियो र अर्को तर्फ, झाडीभित्रबाट गन्ध आउँदा स्थानीयको…
