काठमाडौं । कुलमान घिसिङलाई नेपाल विद्युत् प्राधिकरणको कार्यकारी निर्देशकबाट हटाउने सरकारको निर्णयको विरोध गर्दै ललितपुर महानगरपालिका अगाडि प्रदर्शन भएको छ । प्रदर्शनकारीहरूले सरकारले कुलमानलाई हटाएर देशलाई फेरि टुकी युग तिर लैजान खोजेको भन्दै मा आज टुकी बालेर प्रदर्शन गरेका हुन् । नेपाल विद्युत् प्राधिकरणको कार्यकारी निर्देशकबाट हटाएको विरोधमा उत्रिएका नागरिकले कुलमानको पुनर्बहाली र ऊर्जामन्त्रीको राजीनामासमेत मागेका छन्। प्रदर्शनमा सहभागीहरूले ‘भ्रष्ट सरकार चाहिँदैन, प्राधिकरण लुट्न पाइँदैन’, ‘भ्रष्ट मन्त्री राजीनामा दे’जस्ता नारा लगाएका छन्।
