रन्जित शाह बर्दिया कारागार भित्रबाट ५ ग्राम लागुऔषध गाँजा बरामद भएको छ । असार १२ गते विहान जिल्ला प्रहरी कार्यालय बर्दियाका प्रहरी टोलीले चेकजाँच गर्दा सो लागुऔषध बरामद भएको थियो । जिल्ला प्रहरी कार्यालय बर्दियाबाट प्रहरी निरिक्षकको कमाण्डमा खटिएको प्रहरी टोलीले बर्दिया कारागारमा रहेका कैदीबन्दीको विस्तरामा लुकाइछिपाई राखेको अवस्थामा लागुऔषध गाँजा फेला पारेको कुरा प्रहरी नायव उपरिक्षक चक्र बहादुर डमरपालले बताउनुभयो । उहाँले यस विषयमा थप अनुसन्धान समेत भईरहेको जानकारी गराउनुभयो । कर्तव्य ज्यान मुद्धामा सजाय भुक्तानी गरिरहेका सोहन ढकालको विस्ताराबाट उक्त लागुऔषध बरामद भएको स्रोतले बताए । स्रोतले भने, “कारागार भित्रबाट नै लागुऔषध बरामद हुनु गम्भीर विषय हो ।…
