सिन्धुलीमा जीपको ठक्करबाट सरसफाई कर्मचारीको मृत्यु

सिन्धुली। सिन्धुलीको कमलामाई नगरपालिका वडा नम्बर १२ निवासी ३५ वर्षीय शेरबहादुर खपांगीको जीपको ठक्करबाट मृत्यु भएको छ। शेरबहादुर खपांगी कमलामाई नगरपालिका वातावरण शाखामा सरसफाई कर्मचारीका रूपमा कार्यरत थिए। उनी कार्यालयतर्फ जाँदै गर्दा झापाबाट काठमाडौं जाँदै गरेको प्रदेश १–००१ च ८८२१ नम्बरको जीपले बीपी राजमार्ग अन्तर्गत कमलामाई नगरपालिका–६ स्थित रातमाटा घुम्ती नजिक ठक्कर दिएको थियो। जीपको ठक्करबाट गम्भीर घाइते भएका खपांगीको उपचारका क्रममा मृत्यु भएको जिल्ला प्रहरी कार्यालय सिन्धुलीले जानकारी दिएको छ ।घटनाका सम्बन्धमा जीपको चालकलाई प्रहरीले नियन्त्रणमा लिएको छ, र अनुसन्धान जारी रहेको छ।

  काठमाडौँ। काठमाडौँको नागार्जुन नगरपालिका–८, ठूलाखोला नजिकै गएराति खसीबोका लोड गरेको गाडी दुर्घटना हुँदा एक जनाको मृत्यु भएको छ। प्र ३ –०१–०२४ च ८३२२ नम्बरको गाडी सडकबाट चारसय मिटर तल खसेर पल्टिएको हो। धादिङबाट काठमाडौँ आउँदै गरेको टाटा गाडी विपरित दिशाबाट आउँदै गरेको अर्को गाडीलाई साइड दिने क्रममा दुर्घटना भएको प्रहरीले जानकारी दिएको छ। दुर्घटनामा गम्भीर घाइते गोरखाको भिमसेन गाउँपालिका-४ का ५० वर्षीय गोकुल पाण्डेलाई उपचारका लागि स्वयम्भूस्थित मनमोहन अस्पताल पुर्याइएको थियो, जहाँ चिकित्सकले मृत घोषणा गरे। गाडीका चालक गोरखाका ४१ वर्षीय जमालुदिन मिया र ४३ वर्षीय रामजी भट्ट घाइते भएका छन्। भट्टको उपचार स्थानीय नर्सरी चोकको मेडिकलमा भइरहेको छ…

बाँके। गुजरात टाइटन्सले इण्डियन प्रिमियर लिग (आइपिएल) २०२५ मा मुम्बई इण्डियन्सलाई ३६ रनले हराउँदै आफ्नो दोस्रो जित निकालेको छ। नरेन्द्र मोदी अन्तर्राष्ट्रिय क्रिकेट स्टेडियममा खेलिएको यस खेलमा मुम्बई इण्डियन्सले १ सय ९७ रनको लक्ष्य पछ्याउँदा २० ओभरमा ६ विकेट गुमाएर केवल १ सय ६० रन मात्र बनायो। मुम्बईका लागि सूर्यकुमार यादवले २८ बलमा ४८ रन बनाए, जसमा ४ छक्का र १ चौका समावेश थियो। सूर्यकुमार र तिलक वर्मा बीच ६१ रनको साझेदारी बन्यो। तिलकले ३६ बलमा ३ चौका र १ छक्कासहित ३९ रन बनाएका थिए। मुम्बईका अन्य प्रमुख ब्याट्सम्यानहरू, कप्तान हार्दिक पाण्ड्या (१७ बलमा ११ रन), रोहित शर्मा (४ बलमा…

राप्रपा केन्द्रीय कार्यसम्पादन समितिको शनिबार सम्पन्न बैठकले शुक्रबारको हिसांत्मक घटना सरकारकै कारण भएको ठहर गरेको छ। बैठकपछि सञ्चारकर्मीसँग कुरा गर्दै अध्यक्ष राजेन्द्र लिङ्देनले सरकारी दमनले हिंसा निम्त्याएको दाबी गरेका हुन्। राप्रपाले शुक्रबार ज्यान गुमाएका दुई जनालाई सहिद घोषणा गर्न र उनका परिवारलाई क्षतिपूर्ति रकम उपलब्ध गराउन माग गरेको छ। शुक्रबारको घटनाको निष्पक्ष छानबिनका लागि जाँचबुझ समिति बनाउन र आफ्ना दुई नेताहरू रविन्द्र मिश्र र धवलशमशेरलाई २४ घन्टाभित्र रिहा गर्न पनि राप्रपाले आग्रह गरेको छ।

काठमाडौं । त्रिभुवन विश्वविद्यालयका उपकुलपति प्रा. डा. केशरजंग बरालले राजीनामा दिएका छन्। उनले प्रधानमन्त्री तथा मन्त्रिपरिषद्को कार्यालयमा राजीनामापत्र बुझाएका हुन्। उपकुलपति बरालले स्वास्थ्यको कारण देखाएर प्रधानमन्त्री एवं त्रिविका कुलपतिलाई सम्बोधन गरेर राजीनामा पठाएको प्रधानमन्त्री तथा मन्त्रिपरिषद्को कार्यालयले जनाएको छ । कार्यालयका अनुसार राजीनामा स्वीकृत भने भएको छैन । बराल गत वर्ष फागुन १० गते तत्कालीन प्रधानमन्त्री पुष्पकमल दाहाल ‘प्रचण्ड’द्वारा त्रिवि उपकुलपतिमा नियुक्त भएका थिए।

काठमाडौ । राष्ट्रिय प्रजातन्त्र पार्टी (राप्रपा) ले तीनकुने घटनामा ज्यान गुमाएका दुई जनालाई शहीद घोषणा गर्न माग गरेको छ। शनिबार पार्टीको केन्द्रीय कार्यालयमा सम्पादन समितिको बैठकपछि सञ्चारकर्मीसँग बोल्दै राप्रपाका अध्यक्ष राजेन्द्र लिङ्देनले मृतकलाई शहीद घोषणा गर्नुपर्ने बताएका हुन्। लिङ्देनले घटनाको पूर्ण जिम्मेवारी सरकारले लिनुपर्ने बताएका छन्। शुक्रबारको घटनामा कीर्तिपुर निवासी २९ वर्षीय सविन महर्जन र एभिन्युज टेलिभिजनका फोटो पत्रकार सुरेश रजकको मृत्यु भएको थियो। राप्रपा अध्यक्षले सरकारको निष्क्रियता र घटनाको यथासम्भाव छानबिन नगरेको आरोप लगाए।

नेपाल कम्युनिष्ट पार्टी (एमाले)का सचिव योगेश भट्टराईले हिंसात्मक गतिविधि गर्नेलाई माफी नदिइने बताएका छन् । साथै उनले हिंसा भड्काउनेलाई कारबाहीको दायरामा ल्याइने बताएका हुन् । अखिल नेपाल किसान महासंघ काभ्रेपलाञ्चोक जिल्ला कमिटीको आज बनेपामा आयोजित सातौँ जिल्ला अधिवेशनमा उनले आन्दोलनका नाममा गरिएका हिंस्रक गतिविधिको निन्दा गर्दै सरकारले दोषीलाई कारबाही गर्ने बताएका हुन् । उनले आन्दोलनका नाममा निजी तथा सार्वजनिक सम्पत्ति तोडफोड, लुटपाट र आगजनी गर्ने जोसुकैलाई सरकारले नियन्त्रणमा लिएर कारबाही गर्नुपर्नेमा जोड दिँदै हिंसात्मक  गतिविधि गर्ने छुट कसैलाई नभएको बताए ।

काठमाडौ । काठमाडौं महानगरपालिकाले शुक्रबार तीनकुनेमा भएको प्रदर्शनको क्रममा सार्वजनिक सम्पत्तिमा गरिएको तोडफोड र फोहोरको जरिवाना बापत पूर्वराजा ज्ञानेन्द्र शाहलाई ७ लाख ९३ हजार रुपैयाँ भुक्तानी गर्न पत्र काटेको छ । महानगरपालिकाले शाहका नाममा ८ वटा अलग-अलग जरिवाना पत्र जारी गरेको हो। राजावादी प्रदर्शनको आह्वान दुर्गा प्रसाईंले गरेका थिए, जसमा राजसंस्था पुनर्स्थापनाको माग गरिको थियो। प्रदर्शनकारीहरूले काठमाडौंका विभिन्न स्थानमा तोडफोड र फोहोरका गरेको, विशेष गरी, दमकल र अग्नि नियन्त्रक वाहनहरुलाई ध्वस्त बनाएपछि महानगरले पत्रकार काटेको हो। महानगरपालिकाका अनुसार, १ लाख ३० हजार रुपैयाँको जरिवाना दमकल तोडफोडको लागि, १ लाख रुपैयाँको जरिवाना कोटेश्वर, जडिबुटी, बालकुमारी, सिनामंगल र महादेवस्थानमा फोहोर फैलाउने आरोपमा,…

बाँके। नेपाल क्रिकेट संघ (क्यान) ले आगामी दुई वर्षका लागि अस्ट्रेलियाका पूर्वखेलाडी र प्रशिक्षक स्टुअर्ट ललाईलाई नेपालको पुरुष क्रिकेट टिमको नयाँ प्रशिक्षकको रूपमा नियुक्त गरेको छ। यसअघि प्रशिक्षक मोन्टी देशाईसँगको सम्झौता समाप्त भइसकेको र नयाँ नियुक्ति प्रक्रिया पूरा गरेपछि स्टुअर्ट ललाईको चयन गरिएको हो। ७० जना आवेदकहरूमध्ये १० जनालाई सर्टलिस्ट गर्दै अन्तिम चरणको अन्तर्वार्तामा ललाईलाई नियुक्त गरिएको हो। क्यानका अनुसार, "उहाँ राम्रो अनि अनुभवी हुनुहुन्छ र नेपाली क्रिकेटलाई अगाडि बढाउन सक्ने क्षमता राख्नुहुन्छ।" । चर्चित प्रशिक्षकहरूको प्रतिस्पर्धा बीच स्टुअर्ट ललाईले नेपालको क्रिकेट इतिहासमा नयाँ पाटो थप्ने अपेक्षा गरिएको छ।

झापा। झापाको गौरिगन्ज आधारभूत अस्पतालले नर्मल डेलिभरी मार्फत जुम्ल्याहा बच्चाको सफल जन्म गराएको छ। अस्पतालका प्रसुती वार्डमा कार्यरत रिता कार्की र एलिजा भुजेलको कड़ी मेहनतमा शुक्रबार गौरिगन्ज वडा नम्बर २ निवासी हेमरम थरकी महिलाले पहिलो पटक नर्मल डेलिभरी मार्फत एक छोरा र एक छोरीको जन्म दिइन्। छोरा १ किलो ५ सय ग्राम र छोरी १ किलो ग्रामको स्वस्थ वजनमा जन्मेका छन्। चिकित्सक र नर्सिङ कर्मचारीले दुवै बच्चा र आमा स्वस्थ रहेको जानकारी दिएका छन्। अस्पतालका कर्मचारी अनुप शर्माले सफल डेलिभरीका लागि प्रसुती वार्डका समर्पित कर्मचारीको प्रयासलाई सराहना गरेका छन्।