उदयपुरमा ठूलो परिमाणमा गाँजा बरामद।

उदयपुर। उदयपुर जिल्लाको बेलका नगरपालिका वडा नम्बर ६ स्थित मूर्ति खोला किनारमा प्रहरीले ठूलो परिमाणमा गाँजा बरामद गरेको छ। प्रहरीले ८ सय ९१ किलो ४ सय २३ ग्राम गाँजा विशेष सूचनाको आधारमा फेला पारेको हो। कोशी प्रदेश प्रहरी प्रवक्ता एसएसपी भीमबहादुर दाहालका अनुसार, जिल्ला प्रहरी कार्यालय उदयपुर र इलाका प्रहरी कार्यालय रामपुर ठोकशीलाबाट खटिएको टोलीले ३९ वटा बोरामा गाँजा लुकाइ राखिएको अवस्थामा बरामद गरेको हो। प्रहरीले अहिले उक्त गाँजालाई रामपुर ठोकशीलाको इलाका प्रहरी कार्यालयमा राखेर अनुसन्धान अघि बढाएको जनाएको छ। यस घटनामा गाँजा कसले लुकाएर राखेको हो भन्ने कुरा यकिन हुन सकेको छैन। प्रहरीले ओसारपसारमा संलग्नलाई पक्राउ गर्न खोजतलास जारी…

काठमाडौं । काठमाडौं महानगरपालिकाका मेयर बालेन साहले पूर्व राजा ज्ञानेन्द्र शाहलाई हुलाकमार्फत जरिवानाको पत्र पठाएका छन्। आइतबार बिहान जब काठमाडौँ महानगरको प्रहरी टोली पत्र लिएर निर्मल निवास पुगेको थियो। पुर्वराजा ज्ञानेन्द्र शाहको निवासबाट प्रहरीले पत्र बुझ्न अस्वीकार गरेपछि मेयर बालेनले उक्त पत्र हुलाकमार्फत पठाएको काठमाडौ महानगर पालिका सहायक प्रवक्ता ध्रुव कुमार काफ्लेले जानकारी गराएका छन् । काफ्लेले भने, "निर्मल निवासले पत्र बुझ्न अस्वीकार गरेपछि केही समय अघि हुलाकमार्फत जरिवानाको पत्र पठाइएको छ।" शुक्रबार राजावादी प्रदर्शनकारीहरूले तीनकुने क्षेत्रमा फोहर, तोडफोड र आगजनी गरेपछि काठमाडौँ महानगरपालिकाले पूर्व राजा शाहलाई आठ बुँदामा विभाजित गरी लिखित रूपमा  ७ लाख ९३ हजार रुपैयाँ जरिवाना पत्रमा तोकिएको…

काठमाडौ । नेपाल प्रज्ञा प्रतिष्ठानका पूर्वउपकुलपति जगमान गुरुङलाई अब राजावादी आन्दोलनको नेतृत्व दिने निर्णय गरिएको छ। संयुक्त जनआन्दोलन समितिका संयोजक नवराज सुवेदीले आफ्नो अनुपस्थितिमा गुरुङले आन्दोलनको जिम्मेवारी सम्हाल्ने जानकारी दिएका छन्। उनले भने, "सरकारले मलाई नजरबन्दमा राखेको कारण मेरो अनुपस्थितिमा यो आन्दोलनको नेतृत्व नेपाल ऋषि जगमान गुरुङले गर्नेछन्।" उनले आन्दोलनलाई निरन्तरता दिन सबै दल र संघसंस्थासँग सहयोगको अपिल पनि गरे। व्यवसायी दुर्गा प्रसाईंको अगुवाइमा, चैत ४ गते राजसंस्था पुन:स्थापनाका लागि संयुक्त जनआन्दोलन समिति गठन गरिएको थियो, जसको नेतृत्व सुवेदीले गरेका थिए। साथै, प्रसाईंलाई जनआन्दोलन समितिको कमान्डरको रूपमा नियुक्त गरिएको थियो।

बाँके। नेपालमा सुनको मूल्य हालसम्मकै उच्च बिन्दुमा पुगेको छ। शुक्रबारको दिन सुनको मूल्य प्रतितोला रू एक लाख ७६ हजार २ सय मा कारोबार भएको थियो भने आज तोलामा रू ६ सय ले वृद्धि भएर रू एक लाख ७६ हजार ८ सय पुगेको नेपाल सुनचाँदी व्यवसायी महासङ्घले जनाएको छ। त्यस्तै, चाँदीको मूल्य आज प्रतितोला रू १५ घटेर रू दुई हजार २५ कायम भएको छ।  अन्तर्राष्ट्रिय बजारमा सुनको मूल्य प्रतिऔंस ३ हजार ८५ अमेरिकी डलर हाराहारीमा कारोबार भइरहेको छ

  काठमाडौं। नेपाल विद्युत् प्राधिकरणका बर्खास्त कार्यकारी निर्देशक कुलमान घिसिङको रिट निवेदन सर्वोच्च अदालतको इजलासले ‘हेर्न नमिल्ने’ निर्णय गरेको छ। आइतबार सर्वोच्च अदालतका प्रधानन्यायाधीश प्रकाशमान सिंह राउत र न्यायाधीश सारंगा सुवेदीको संयुक्त इजलासले उक्त रिटलाई पन्छाएको हो। यस्तै, विद्युत् प्राधिकरणका नवनियुक्त कार्यकारी निर्देशक हितेन्द्रदेव शाक्यको रिट पनि सोही इजलासमा परेको थियो र त्यसको निर्णय पनि समान रुपमा आएको छ। अघिल्लो शुक्रबार न्यायाधीश अब्दुल अजिज मुसलमानको इजलासले दुवै रिटका पक्ष र विपक्षलाई छलफलका लागि आज अदालत बोलाएको थियो।

रौतहट। रौतहटको गौर नगरपालिका वडा नम्बर १ स्थित भन्सार सुरक्षा गार्ड र प्रहरी चेकिङ्ग टोलीले भन्सार छली गरी भारतबाट नेपाल ल्याइएका विभिन्न सामान र सवारी साधनहरू बरामद गरेका छन्। प्रहरीका अनुसार, चैत ११ गते साँझ ५:१० बजे सवारी साधनहरूको नियमित जाँच गर्ने क्रममा १२ हजार रुपैयाँ बराबरका किराना सामान र ३ लाख रुपैयाँ मूल्य पर्ने BR05PD6503 नम्बरको अटो रिक्सा पक्राउ गरिएको हो। बरामद गरिएका सामान र सवारी साधनको कुल मूल्य लगभग ३ लाख १२ हजार रुपैयाँ अनुमान गरिएको छ। उक्त सामान र अटो रिक्सा आवश्यक कानुनी प्रक्रिया पूरा गरी गौर भन्सार कार्यालयमा बुझाइएको छ। नेपाल–भारत सीमावर्ती क्षेत्रमा भन्सार छली र…

बाँके। विश्व बैंकले नेपालका रणनीतिक सडक सञ्जालमा रहेका पुलहरूको मर्मत र सुधारका लागि १५ करोड अमेरिकी डलर (करिब २० अर्ब ४० करोड रुपैयाँ) को वित्तीय सहायता प्रस्ताव स्वीकृत गरेको छ। यस निर्णयसँगै, दुर्गम र सहरी क्षेत्रका समुदायलाई जीवनोपयोगी सेवाहरूको पहुँच वृद्धि गर्ने उद्देश्य राखिएको छ। बैंकको कार्यकारी निर्देशक बोर्डले यो वित्तीय सहयोग अनुमोदन गरेको हो, जसको माध्यमबाट नेपालको प्रमुख पुल संरचनाहरूलाई प्राकृतिक जोखिमहरू—जस्तै बाढी, पहिरो र भूकम्प—सामना गर्न सक्षम बनाइनेछ। यस पहलले स्थानीय बासिन्दाहरूलाई आधारभूत सेवासँग जडान सुधार्दै आर्थिक अवसरहरू पनि प्रदान गर्नेछ। वासिङ्टन डिसीस्थित विश्व बैंकको मुख्यालयले यो जानकारी सार्वजनिक गर्दै भनेको छ कि, नेपालका पुलहरूले आर्थिक र सामाजिक…

सिन्धुली। सिन्धुलीको कमलामाई नगरपालिका वडा नम्बर १२ निवासी ३५ वर्षीय शेरबहादुर खपांगीको जीपको ठक्करबाट मृत्यु भएको छ। शेरबहादुर खपांगी कमलामाई नगरपालिका वातावरण शाखामा सरसफाई कर्मचारीका रूपमा कार्यरत थिए। उनी कार्यालयतर्फ जाँदै गर्दा झापाबाट काठमाडौं जाँदै गरेको प्रदेश १–००१ च ८८२१ नम्बरको जीपले बीपी राजमार्ग अन्तर्गत कमलामाई नगरपालिका–६ स्थित रातमाटा घुम्ती नजिक ठक्कर दिएको थियो। जीपको ठक्करबाट गम्भीर घाइते भएका खपांगीको उपचारका क्रममा मृत्यु भएको जिल्ला प्रहरी कार्यालय सिन्धुलीले जानकारी दिएको छ ।घटनाका सम्बन्धमा जीपको चालकलाई प्रहरीले नियन्त्रणमा लिएको छ, र अनुसन्धान जारी रहेको छ।

  काठमाडौँ। काठमाडौँको नागार्जुन नगरपालिका–८, ठूलाखोला नजिकै गएराति खसीबोका लोड गरेको गाडी दुर्घटना हुँदा एक जनाको मृत्यु भएको छ। प्र ३ –०१–०२४ च ८३२२ नम्बरको गाडी सडकबाट चारसय मिटर तल खसेर पल्टिएको हो। धादिङबाट काठमाडौँ आउँदै गरेको टाटा गाडी विपरित दिशाबाट आउँदै गरेको अर्को गाडीलाई साइड दिने क्रममा दुर्घटना भएको प्रहरीले जानकारी दिएको छ। दुर्घटनामा गम्भीर घाइते गोरखाको भिमसेन गाउँपालिका-४ का ५० वर्षीय गोकुल पाण्डेलाई उपचारका लागि स्वयम्भूस्थित मनमोहन अस्पताल पुर्याइएको थियो, जहाँ चिकित्सकले मृत घोषणा गरे। गाडीका चालक गोरखाका ४१ वर्षीय जमालुदिन मिया र ४३ वर्षीय रामजी भट्ट घाइते भएका छन्। भट्टको उपचार स्थानीय नर्सरी चोकको मेडिकलमा भइरहेको छ…

बाँके। गुजरात टाइटन्सले इण्डियन प्रिमियर लिग (आइपिएल) २०२५ मा मुम्बई इण्डियन्सलाई ३६ रनले हराउँदै आफ्नो दोस्रो जित निकालेको छ। नरेन्द्र मोदी अन्तर्राष्ट्रिय क्रिकेट स्टेडियममा खेलिएको यस खेलमा मुम्बई इण्डियन्सले १ सय ९७ रनको लक्ष्य पछ्याउँदा २० ओभरमा ६ विकेट गुमाएर केवल १ सय ६० रन मात्र बनायो। मुम्बईका लागि सूर्यकुमार यादवले २८ बलमा ४८ रन बनाए, जसमा ४ छक्का र १ चौका समावेश थियो। सूर्यकुमार र तिलक वर्मा बीच ६१ रनको साझेदारी बन्यो। तिलकले ३६ बलमा ३ चौका र १ छक्कासहित ३९ रन बनाएका थिए। मुम्बईका अन्य प्रमुख ब्याट्सम्यानहरू, कप्तान हार्दिक पाण्ड्या (१७ बलमा ११ रन), रोहित शर्मा (४ बलमा…