बाँके। गण्डकीलाई नेपाल पुलिस क्लबले सजिलै ७ विकेटले पराजित गरेको हो । सिद्धार्थनगरमा भएको खेलमा पहिले ब्याटिङ गरेको गण्डकी २३.२ ओभरमात्र क्रिजमा टिकेर ९२ रनमा अलआउट भयो । अर्जुन कुमालले ४८ रन बनाएको इनिङ्समा दोस्रो उच्च स्कोर गण्डकीले अतिरिक्तका रुपमा १४ रन पाएको थियो । गण्डकीमाथि हाबी हुने क्रममा पुलिसका लागि ललित राजबंशी र गुल्सन झाले बहार ल्याएका थिए । ललितले ७ रन दिएर ५ विकेट लिए । त्यस्तै गुल्सनले ४२ रन दिएर ४ विकेट लिए । जवाफमा पुलिसले १६ ओभरमै ३ विकेटको क्षतिमा जित हासिल गर्यो । कप्तान दिपेन्द्र सिंह ऐरीले २३ बलमा ६ छक्का र ३ चौकाको मद्धतले…
मोरङ । स्वतन्त्र विद्यार्थी युनियनको निर्वाचनमा विराटनगरका प्रमुख क्याम्पसहरूमा अखिल क्रान्तिकारीका उम्मेदवारहरूले ऐतिहासिक विजय प्राप्त गरेका छन्। विराटनगरको डिग्री क्याम्पस र नर्सिङ क्याम्पसमा अखिल क्रान्तिकारीको प्यानलले शानदार जित हासिल गरेको हो। डिग्री क्याम्पसमा प्रीतम साहको प्यानलले पूर्ण रूपमा विजय प्राप्त गर्दा, नर्सिङ क्याम्पसको सभापतिमा रोहित ताजपुरिया अखिल क्रान्तिकारीका उम्मेदवारका रूपमा निर्वाचित भएका छन्। यसै बीच, महेन्द्र मोरङ क्याम्पसमा पनि पछिल्लो मत परिणाम अनुसार अखिल क्रान्तिकारी अग्रता लिएका छन्, जसले उम्मेदवारहरूको मनोबल थप प्रबल बनाएको छ।
काठमाडौं। राष्ट्रिय सहकारी महासंघले अन्तर्राष्ट्रिय सहकारी वर्ष २०२५ को अवसरमा ६८औं राष्ट्रिय सहकारी दिवस मनाउने घोषणा गरेको छ। यस वर्षको राष्ट्रिय सहकारी दिवस चैत २० गते मनाइनेछ। यस विशेष अवसरको लागि तय गरिएको थिम “मर्यादित सहकारीः समुन्नत समाज” रहेको छ । सहकारी दिवसको उद्देश्य सहकारीलाई वित्तीय अनुशासन, सुशासन, पारदर्शिता, स्वावलम्बन र सामाजिक उत्तरदायित्वका मूल्यहरूसँग जोडेर नेपाली समाजको समृद्धि र समान अवसरयुक्त आर्थिक विकासमा टेवा पुर्याउनु हो। महासंघका अध्यक्ष ओमदेवी मल्लका अनुसार, यस दिवसको माध्यमबाट सहकारी आन्दोलनलाई अझ सशक्त बनाउने र सर्वसाधारणको विश्वास अभिवृद्धि गर्ने प्रयास गरिनेछ। यस अवसरमा भूमि व्यवस्था, सहकारी तथा गरिबी निवारण मन्त्री बलराम अधिकारीको संयोजकत्वमा र महासंघका…
काठमाडौं। सिन्धुपाल्चोकको भोटेकोसी गाउँपालिका वडा नम्बर १ का ४३ वर्षीय किसान फुच्चे लामा पुनः पक्राउ परेका छन्। उनी ५ वर्ष पहिले सुन तस्करी प्रकरणमा जेल बसिसकेका थिए। यसपटक उनलाई रसुवा नाका हुँदै ट्रकमा युरो र अमेरिकन डलरसहितका विदेशी मुद्राहरू तस्करी गर्दै जाने क्रममा पक्राउ गरिएको हो। काठमाडौँ उपत्यका अपराध अनुसन्धान कार्यालयको टोलीले विशेष सूचनाका आधारमा गएराति उनलाई पक्राउ गरेको हो। प्रहरीले पत्रकार सम्मेलनमार्फत जानकारी दिँदै भने कि, पक्राउ गरेको विदेशी मुद्रा नेपालीमा कन्भर्ट गर्दा २५ करोड १ लाख ६० हजार ३३८ रुपैयाँको बराबरी हुन्छ। पक्राउ पर्ने लामा ट्रक नं. ना ७ ख १६५२ द्वारा केरुङतर्फ जाने क्रममा फल्स बटम बनाएर…
काठमाडौँमा घर भएका पूर्वराष्ट्रपति रामवरण यादव र विद्यादेवी भण्डारीलाई सरकारले लाखौं रकम घर भाडा र अन्य खर्चका रूपमा उपलब्ध गराएको छ। गत आर्थिक वर्षमा यादवको लागि ४६ लाख २५ हजार ६ सय १५ रुपैयाँ र भण्डारीका लागि ३५ लाख १८ हजार ५ सय ५५ रुपैयाँ खर्च गरिएको छ। यसमा तलब, घर भाडा, कर्मचारीको तलब, बिजुली र पानीको खर्च समावेश छ। यी पूर्वराष्ट्रपतिलाई सरकारले एक उपसचिव, हलुका सवारी चालक र कार्यालय सहयोगी उपलब्ध गराएको छ, र दुवैका लागि मासिक रूपमा भाडा भुक्तानी गरिएको छ।
काठमाडौं। नेपाली राष्ट्रिय महिला फुटबल टोलीकी कप्तान एवम् गोलकिपर एन्जिला तुम्बापो सुब्बाको जीवनकथा आधारित फिल्म ‘अञ्जिला’ हेर्न अखिल नेपाल फुटबल संघ (एन्फा) ले आफ्नो मातहतका सबै निकायलाई अनुरोध गरेको छ। सोमबार एक सामूहिक पत्राचारमार्फत एन्फाले देशभरका ७ प्रदेश, ४८ जिल्ला संघ, ४२ क्लबहरू, साथै महिला, खेलाडी, प्रशिक्षक र रेफ्री संघलाई नजिकको हलमा सामूहिक रूपमा फिल्म हेर्न व्यवस्था मिलाउन र सामाजिक सञ्जाल मार्फत प्रचार गर्न आग्रह गरेको हो। एन्फाले फुटबलप्रेमी दर्शकलाई पनि फिल्म हेरेर नेपाली फुटबलको संघर्ष र सफलतालाई सम्मान गर्न अपिल गरेको छ। फिल्म ‘अञ्जिला’ अहिले देशभर प्रदर्शन भइरहेको छ र यसले एन्जिलाको इलामदेखि राष्ट्रिय फुटबल टोलीसम्मको संघर्षपूर्ण यात्रालाई चित्रण…
धनुषा । धनुषाको भठिहन स्थित चोकको नाम राख्ने विषयलाई लिएर दुई समूहबीच झडप भएको छ । धनुषाको सबैला नगरपालिका वडा नम्बर ९ भठिहन स्थित चोकको नाम राख्ने विषयमा दुई समूहबीच झडप भएको हो। झडप नियन्त्रण गर्न प्रहरीले चलाएको गोली लागेर एकजना घाइते भएको प्रहरीले जनाएको छ। गोलि लागेर घाइते भएको व्यक्ति भने पहिचान खुलेको छैन। प्रहरीले घाइतेलाई उपचारको लागि जनकपुर प्रादेशिक अस्पताल पठाइएको जानकारी गराएको छ । भठिहनस्थित चोकमा केही अघि यादव चोक लेखिएको बोर्ड लगाएको थियो। त्यसपछि अन्य समुदायले सो बोर्ड उखेलेपछि आइतबारदेखि दुई समूहबीच तनाव बढेको छ।
महोत्तरी । महोत्तरीको बर्दिबास नगरपालिका वडा नम्बर ३ स्थित सडकमा लागुऔषध गाँजा सहित एक जना पक्राउ परेका छन्। काठमाडौँको टोखा डेरामा बस्ने ३७ वर्षीय सलिन मगरलाई आइतबार दिउँसो प्रहरीले ५ सय ४७ किलोग्राम ग्राम गाँजासहित पक्राउ गरेको हो। इलाका प्रहरी कार्यालय बर्दिबास र लागुऔषध नियन्त्रण ब्यूरोको संयुक्त टोलीले सिन्धुलीबाट बर्दिबास आउँदै गरेको मिनिट्रकलाई जाँच गर्ने क्रममा गाँजाले भरिएको ट्रक फेला पारेको छ । ट्रकको माथि टिनको फल्स बटम बनाएर कालो त्रिपालले छोपिएको अवस्थामा गाँजा सहित सलिनलाईपक्राउ गरिएको इलाका प्रहरी कार्यालय बर्दिबासले जनाएको छ । प्रहरीले यस घटनामा आवश्यक अनुसन्धान गरिरहेको जनाएको छ।
बाँके। राष्ट्रिय स्वतन्त्र पार्टीका कार्यवाहक सभापति डोलप्रसाद अर्यालले सोमबारको प्रतिनिधिसभा बैठकमा वैदेशिक रोजगारीमा गएका श्रमिकहरूको समस्यामा समाधान गर्न सरकारको ध्यानाकर्षण गराएका छन्। उनले श्रमिकहरूको अधिकार र सुविधाको उल्लंघन भइरहँदा सरकारले बेवास्ता गर्दै आएको आरोप समेत लगाएका हुन् । अर्यालले युएई र मलेसियाका सेक्युरिटी कम्पनीहरूमा कार्यरत श्रमिकहरूको गुनासो सुनाउँदै भने, “सम्झौताअनुसार पारिश्रमिक, विदा र औषधि उपचार नपाएको गुनासो आएको छ। म्यानपावर कम्पनीहरूले मोटो रकम असुलेर भनेजस्तो काम नदिने र गुनासो गरेपछि धम्क्याउने गरेको पाइन्छ।” उनले श्रमिकहरूको पीडा बुझ्न नसकेको र उनीहरूको हकमा उचित व्यवस्था नतोकिएको भन्दै सरकारसँग हस्तक्षेपको माग गरेका छन्। अर्यालले श्रमिकहरूको कठिनाइलाई सम्बोधन गर्न र म्यानपावर कम्पनीहरूको अनियमितता रोक्न…
काठमाडौं। राष्ट्रिय प्रजातन्त्र पार्टीका सांसद दीपक सिंहले सरकारको यौन व्यवसायलाई अनुमति दिने निर्णयप्रति आपत्ति जनाएका छन्। सोमबार प्रतिनिधि सभाको बैठकमा बोल्दै उनले पर्यटक भित्र्याउने उद्देश्यमा सरकार वेश्यालय सञ्चालन गर्न लागेको भन्ने प्रश्न उठाएका छन् । सत्तारुढ दल नेपाली कांग्रेसका प्रमुख सचेतक श्यामकुमार घिमिरेले आइतबार यौन व्यवसाय र गाँजा खेतीलाई खुलेर स्वीकार गरि पर्यटन भित्र्याउनु पर्ने कुरामा जोड दिएका थिए। यसै विषयमा आपत्ति जनाउँदै सिंहले भने, "देशको आर्थिक विकासका लागि ज्यादा खर्च गर्ने पर्यटक ल्याउन यौन पर्मिट लाइसेन्स ल्याउनुपर्ने भन्ने कुरा एउटा जिम्मेवार सरकारको सदस्यले भनेका छन्। यस्तो व्यवसाय, वेश्यालय, कोठी चलाउने काम सरकारले नै गर्ने त होइन?" सिंहले नेपाललाई देव…