` ३५ वर्ष देश लुट्नेहरुलाई जेल हाल्ने रविको अन्तिम इक्षा´ हरि ढकाल ।

चितवन। राष्ट्रिय स्वतन्त्र पार्टी (रास्वपा) का नेता हरि ढकालले पार्टी सभापति रवि लामिछानेको अन्तिम इच्छा सार्वजनिक गरेका छन्। शनिबार चितवनमा आयोजित एक जनसभालाई सम्बोधन गर्दै ढकालले लामिछानेको समर्पण र उद्देश्यको बारेमा चर्चा गर्दै भने, “रवि लामिछानेको अन्तिम इच्छा ३५ वर्षसम्म देशमा लुटपाट गर्ने भ्रष्टहरूलाई जेल हाल्नु हो।” उनले देशको भविष्यका लागि लामिछानेको दृष्टिकोण प्रस्तुत गर्दै भने, “यो देशका किसानहरूको मुहारमा हाँसो ल्याउने, युवा पलायन रोक्ने र रोजगारी सृजना गर्ने चाहना छ। उहाँको उद्देश्य दलीयकरण र भ्रष्टाचारको विरुद्ध सशक्त आवाज उठाएर विधिको शासन स्थापना गर्नु हो।” ढकालले थप भने, “लामिछानेकाे मुटुमा रगत होइन, तेजाब छ। उनी निडर छन् र भ्रष्टाचारमा संलग्न…

चितवन। राष्ट्रिय स्वतन्त्र पार्टी (रास्वपा) का उपसभापति डा. स्वर्णिम वाग्लेले ०८४ मा नेपाली जनताले पुराना पार्टी र नेताहरुलाई ठूलो गाह्रो हुने चेतावनी दिएका छन्। शनिबार चितवनमा आयोजित पार्टीको जनसभालाई सम्बोधन गर्दै उनले भने, "५४ हजार मतका साथ रविजीले जित्नुभएको छ। सरकार उहाँलाई लखेटे रहेको छ । पुराना दल र नेताहरू डराउन थालेका छन्। मलाई लाग्छ, आगामी चुनावमा नेपाली जनताले उनीहरूलाई ठूलो सजाय दिनेछन्।" डा. वाग्लेले सरकारको काम गर्ने प्रवृत्तिका बारेमा पनि विचार राख्दै भने, "सरकारले राम्रो काम गर्नेलाई सधैं छान्ने र लखेट्ने काम गरिरहेको छ। जीबी राईलाई आठ महिना बितिसक्दा पनि नाम मात्र लिइएको छैन। यसरी, सरकार राम्रो काम गर्नेहरूलाई…

बाँके। लुम्बिनी मेडिकल कलेज पाल्पामा अध्ययनरत आवासीय (रेसिडेन्ट)चिकित्सकले स्वास्थ्य तथा जनसंख्यामन्त्री प्रदीप पौडेललाई तीन बुँदे मागसहितको ज्ञापन पत्र बुझाएका छन् । आठौँ तहसरह मासिक पारिश्रमिक पाउनुपर्ने मागसहित उनीहरूले मन्त्री पौडेललाई ज्ञापन पत्र बुझाएका हुन् । चिकित्सकहरूले निजी मेडिकल कलेजका एमडी, एमएस, एमडिएस आवासीय चिकित्सकको मासिक पारिश्रमिक (सरकारी आठौँ तहसरह) भुलानी गरिनुपर्ने, एमडी, एमएस, एमडिएसको म्याचिङ प्रक्रिया सच्याउन माग गरेका छन् । ज्ञापन पत्र बुझ्दै मन्त्री पौडेलले आवासीय चिकित्सकका धेरै माग सम्बोधन भइसकेको र केही मागहरू तत्काल सम्बोधन गरिने विश्वास दिलाए । उनले सरकारले गरेका निर्णय कार्यान्वयन गर्न सम्बन्धित निजी मेडिकललाई आग्रह गरिसकेको बताए ।

बारा । जिल्ला प्रहरी बाराले ठूलो परिमाणमा लागूऔषध चरेससहित एक जनालाई पक्राउ गरेको छ। बारा जिल्लाको जीतपुर सिमरा उप-महानगरपालिका वडा नम्बर २१ स्थित मोटरसाइकल चेक जाँच गर्दा ११.६८ किलो चरेस बरामद भएको हो। इलाका प्रहरी कार्यालय अमलेखगञ्जको टोलीले विशेष सूचनाको आधारमा हेटौंडाबाट वीरगन्जतर्फ आउँदै गरेको मोटरसाइकललाई रोकेर जाँच गर्दा चरेस जस्तो पदार्थ फेला परेको थियो। उक्त मोटरसाइकल चालक मकवानपुरको थाहा नगरपालिका वडा ६ का ३८ वर्षीय दशरथ थिङलाई नियन्त्रणमा लिई कानुनी प्रक्रिया अघि बढाइएको जिल्ला प्रहरी बाराले जनाएको छ। बरामद भएको चरेसको तौल प्लास्टिक सहित ११.६८ किलो रहेको पुष्टि गरिएको छ।

बाँके। बागमती गाउँपालिका वडा नम्बर ३ छपेलीबाट प्रहरीले भारतीय नम्बर प्लेटको एम्बुलेन्समा ९४ हजार ८० वटा ट्याब्लेट ट्रामाडोलसहित लागुऔषध बरामद गरेको छ। मकवानपुरबाट काठमाडौँ आउँदै गरेको बिआर ०५ प ०४२१ नम्बरको एम्बुलेन्समा लागुऔषध लुकाएर ल्याएको भट्टेडाँडामा नियमित जाँचका क्रममा खुलासा भएको हो। जिल्ला प्रहरी परिसर ललितपुरका सूचना अधिकारी र प्रहरी उपरीक्षक नरहरि रेग्मीका अनुसार, एम्बुलेन्स चालकसहित केही व्यक्तिहरूलाई पक्राउ गरी सोधपुछ सुरु गरिएको छ। प्रहरीका अनुसार, एम्बुलेन्समा बिरामी, आठ वर्षको बच्चा, १६ वर्षको युवा र एक महिलालाई प्रयोग गरेर लागुऔषध ओसारपसार गरिने योजना बनाइएको देखिन्छ। घटनामा संलग्न तीन मोबाइल सेट पनि बरामद गरिएको जानकारी प्राप्त भएको छ। प्रहरीले उक्त एम्बुलेन्सको…

बाँके। नेपाल बार एशोसिएशनको २७ औं केन्द्रीय कार्यसमितिको निर्वाचनको लागि मतदान आज बिहान ८ बजेदेखि सुरु भएको छ। वरिष्ठ अधिवक्ता रामकृष्ण निरालाका अनुसार, मतदान प्रक्रिया ४ बजेसम्म जारी रहनेछ। यस निर्वाचनमा नयाँ नेतृत्व चयन गर्नका लागि दुई प्रमुख समूहका उम्मेदवारहरूको प्रतिस्पर्धा देखिन्छ। अध्यक्षको पदका लागि दुई प्रमुख उम्मेदवार बारको नयाँ नेतृत्वको लागि अध्यक्ष पदमा बृहत् लोकतान्त्रिक, प्रगतिशील, पेसागत, राष्ट्रवादी एवं समावेशी कानुन व्यवसायी समूहबाट वरिष्ठ अधिवक्ता प्रा.डा. विजयप्रसाद मिश्र र व्यावसायिक कानुन व्यवसायी समूहबाट वरिष्ठ अधिवक्ता रमनकुमार श्रेष्ठबीच प्रतिस्पर्धा भइरहेको छ। प्रा.डा. मिश्रको समूहमा महासचिवको पदका लागि वरिष्ठ अधिवक्ता केदारप्रसाद कोइराला उम्मेदवार रहेका छन्, भने वरिष्ठ अधिवक्ता श्रेष्ठको समूहमा अधिवक्ता…

बाँके। मोरङको रतुवामाइ नगरपालिकावडा नम्बर ६ स्थित त्रिभुवन चोकमा शुक्रवार राति भएको एक भीषण मोटरसाइकल दुर्घटनामा एक दम्पत्तीको मृत्यु भएको छ। दुर्घटनामा मृत्यु हुने व्यक्तिहरू रतुवामाइ-१ कल्याणपुरका ४२ वर्षीय सोम टुडू र उनकी ३५ वर्षीया पत्नी वामनी हेमराम हुन्। सोम टुडू रतुवामाइ नगरपालिकाको फोहोर व्यवस्थापन गर्ने ट्रायक्टर चालक रहेका थिए। जिल्ला ट्राफिक प्रहरी कार्यालय मोरङका अनुसार, राति १० बजे उक्त दुर्घटना भएको हो। मोटरसाइकल दुर्घटनामा अनियन्त्रित भइ बिजुलीको पोलमा ठोक्किएको थियो, जसका कारण दुई जनाको घटनास्थलमै मृत्यु भएको बताइएको छ। प्रहरीले घटनास्थलमा आवश्यक अनुसन्धान सुरु गरेको छ।

  धनुषा । धनुषाको मिथिला नगरपालिका वडा नम्बर ११ बिमिरेमा शनिबार बिहान घाँस काट्न गएका ५५ वर्षीय जिस्नु दुलाललाई भालुले आक्रमण गरी गम्भीर घाइते बनाएको छ। महोत्तरीको बर्दिबास नगरपालिका वडा नम्बर ३ पाटुका निवासी दुलाललाई स्थानीयहरूले तत्काल उद्धार गरी जनसेवा अस्पताल बर्दिबास पुर्याएका थिए। प्राथमिक उपचारपछि उनलाई काठमाडौंको ट्रमा सेन्टरमा रेफर गरिएको छ, जहाँ उनको अनुहारमा गम्भीर चोटपटक देखिएको छ। स्थानीय प्रशासन र वन कार्यालयले वन क्षेत्रमा जान सक्ने व्यक्तिहरूलाई अत्यधिक सतर्कता अपनाउन आग्रह गरेका छन्, ताकि यस्ता घटनाहरू भविष्यमा घट्न नदिन सकियोस्।

विराटनगर। मोरङको रतुवामाई नगरपालिका वडा नम्बर ६ स्थित त्रिभुवन चोकमा शुक्रबार राति भएको मोटरसाइकल दुर्घटनामा पति–पत्नीको मृत्यु भएको छ। मोरङ ट्राफिक प्रमुख इन्स्पेक्टर राजन लम्सालका अनुसार, राति १०:१० बजे आमबारीबाट उर्लाबारीतर्फ जाँदै गरेको को ९ प ७२९५ नम्बरको मोटरसाइकल अनियन्त्रित भएर बिजुलीको पोलमा ठोक्किएको थियो। दुर्घटनामा मोटरसाइकल चालक सोम टुडू (४२ वर्ष) र उनका पत्नी वामनी हेमराम (३५ वर्ष) काे मृत्यु भएको पुष्टि गरिएको छ। स्थानीयले दुवै जनालाई उद्धार गरी रंगेली अस्पताल पठाएका थिए, जहाँ उपचारका क्रममा दुवैको मृत्यु भएको हो। प्रारम्भिक अनुसन्धानमा मोटरसाइकलको तीव्र गतिका कारण दुर्घटना भएको खुल्न आएको छ। इलाका प्रहरी कार्यालय सिजुवाले घटनाको अनुसन्धान सुरु गरेको…

काठमाडौँ । काठमाडौँको नागार्जुन नगरपालिका वडा नम्बर ५ स्थित आदेश्‍वर मन्दिरमा पिसाब छर्केको आरोपमा ६१ वर्षीया महिला पक्राउ परेकी छन्। प्रहरीले काठमाडौँ महानगरपालिका वडा नम्बर १७ धोवीचौरकी मिठु तिवारी गर्तौलालाई मन्दिरको मूर्तिमा पिसाब छर्केको आरोपमा पक्राउ गरेको हो। प्रहरी वृत्त स्वयम्भूका अनुसार, गत पुस २६ गते एक महिला मन्दिरमा कोही नभएको मौका पारी बोतलमा पिसाब भरेर मन्दिरका मूर्तिमा छर्केर फरार भएको सूचना प्राप्त भएको थियो। अनुसन्धानपछि, फागुन २१ गते पनि गर्तौलाले सोही मन्दिरमा पिसाब छर्केको खुलासा भएको थियो। अधिकारीका अनुसार, गर्तौलाले चुण्डेश्‍वर मन्दिर, गणेश मन्दिर र हरिसिद्धी मन्दिरमा पनि यस्ता आपत्ति जनक कार्य गरेका थिए। सिसिटिभी फुटेजको आधारमा गरिएका खोजी…