समाजवादी मोर्चाको आकस्मिक बैठक जारी, स्थलगत गर्यो अनुगमन ।

काठमाडौँ। समाजवादी मोर्चाको बैठक नेकपा एकीकृत समाजवादीको कार्यालय आलोकनगरमा बिहान साढे ८ बजेपछि सुरु भएको छ। बैठकको आयोजना शनिवार बिहान राजावादी आन्दोलनले काठमाडौँको तीनकुने क्षेत्रमा २ जनाको ज्यान लिएको घटनापछि भएको हो। यसअघि समाजवादी मोर्चाको बैठक ११ बजेका लागि तय गरिएको थियो, तर घटनाको गंभीरता र राजावादीहरूको हिंसात्मक गतिविधिको विरोध स्वरूप बैठकलाई आकस्मिक रूपमा अघि सारिएको नेताहरूले जानकारी दिएका छन्। शुक्रबार समाजवादी मोर्चाले भृकुटीमण्डपमा गणतन्त्रको पक्षमा प्रदर्शन र सभा आयोजना गरेको थियो। यसैबीच, बैठकमा समाजवादी मोर्चाका प्रमुख नेताहरू उपस्थित छन्, जसमा नेकपा अध्यक्ष विप्लव, नेकपा माओवादी केन्द्रका अध्यक्ष प्रचण्ड, महासचिव देव गुरुङ, नेकपा एकीकृत समाजवादीका अध्यक्ष माधव नेपाल र नेपाल…

  बाँके। म्यानमारको मध्य क्षेत्रमा शुक्रबार ७.७ म्याग्निच्युडको शक्तिशाली भूकम्प गएको छ। संयुक्त राज्य भूगर्भ सर्वेक्षण (यूएसजीएस) का अनुसार, यस भूकम्पबाट मृत्यु हुनेको संख्या १० हजार भन्दा बढी हुनसक्ने अनुमान गरिएको छ। यसै कारण, यूएसजीएसले "रातो अलर्ट" जारी गरेको छ, जसले उच्च हताहत र व्यापक क्षतिको संकेत गर्दछ। म्यानमारको सैन्य सरकारले हालसम्म १ सय ४४ जनाको मृत्यु भएको जनाएको छ। तर, थप भग्नावशेष हटाइँदै र शवहरूको उद्धार भइरहेको अवस्थामा, मृतक संख्या बढ्न सक्ने अनुमान गरिएको छ।

ओखलढुंगा । सिद्धिचरण लोकमार्गअन्तर्गत ओखलढुंगाको मानेभञ्ज्याङ गाउँपालिका वडा नम्बर ५ मा शुक्रबार दिउँसो १२ः३० बजेतिर २ वटा मोटरसाइकल आपसमा ठोक्किएर दुर्घटनामा भएको छ । दुर्घटनामा ३ जना घाइते भएका छन्, जसमा एक जना प्रहरी कर्मचारीसमेत छन्। दुर्घटनामा ओखलढुंगातर्फ जाँदै गरेको बा ६७ प ७०८७ नम्बरको मोटरसाइकल र विपरीत दिशाबाट आउँदै गरेको प्र १-०२-०५१ प २९६७ नम्बरको मोटरसाइकल आपसमा ठोक्किएका हुन् । घाइते हुनेमा २९६७ नम्बरको मोटरसाइकल चालक भोजपुरको ट्याम्केमयुङ गाउँपालिका वडा नम्बर ७ का ४१ वर्षीय प्रहरी हवल्दार अम्बिका श्रेष्ठ, ७०८७ नम्बरको मोटरसाइकल चालक मानेभञ्ज्याङ वडा नम्बर ५ का २३ वर्षीय कैलाश पुरी र पछाडि सवार १३ वर्षीय बालक योगेश…

काठमाडौ । तीनकुने क्षेत्रस्थित एक घरमा राजावादीले आगजनी गरेपछि एभिन्यूज टेलिभिजनका पत्रकार सुरेश रजकको जलेर मृत्यु भएको छ। घटनास्थलमा रहेका एभिन्यूजकर्मीका अनुसार, रजकको शव आगो निभाएपछि जलेको अवस्थामा भेटिएको हो। प्रहरी घटनास्थलमा पसेर जाँच र मुचुल्का उठाइरहेको छ। उक्त आगजनीको घटनापछि राजावादी प्रदर्शनले उग्ररूप लिएर विभिन्न स्थानमा आगजनी र ढुंगामुढा भइरहेको थियो। तीनकुने स्थित मार्बल हाउसमा प्रदर्शनपछि झडप भएको थियो। गृह मन्त्रालयले एक पत्रकार सम्मेलन मार्फत राजावादी आन्दोलनका क्रममा घाइते भएका २९ वर्षीय सविन महर्जनको पनि मृत्यु भएको जानकारी दिएको छ।

काठमाडौं। राष्ट्रिय मानव अधिकार आयोगले शुक्रबार एउटा विज्ञाप्ती जारी गर्दै राजावादीहरुले गरेको प्रदर्शन हिंसात्मक भएको निष्कर्ष निकालेको छ । राजधानीमा शुक्रबार भएको राजावादीहरुको प्रदर्शनले प्रहरीको घेरा तोड्ने प्रयास गरेपछि अवस्था बिग्रीएको हो। आयोगका अनुसार प्रदर्शनकारीहरु बानेश्वरतिर जान खोजे,त्यसपछि तब आन्दोलन हिंसात्मक रूप लिएको हो। आयोगले चारवटा उच्चस्तरीय टोली बनाएर उक्त प्रदर्शनको अनुगमन गरेको थियो। अनुगमनको क्रममा राजावादीहरूको आन्दोलनमा झडप, ढुंगा प्रहार र आगजनीका घटनाहरू घटेको देखिएको छ। विज्ञप्तिमा भनिएको छ कि प्रदर्शनकारीहरूले प्रहरीमाथि ढुंगा प्रहार गरे, आमनागरिकको घरमा ढुंगा हान्ने र आगजनी गरेका छन् । तीनकुने क्षेत्रस्थित सञ्चारमाध्यम, कलेज र व्यक्तिगत आवासहरूमा आगजनी र आक्रमण भए पनि दमकल र सशस्त्र…

काठमाडौं। समाजवादी मोर्चा नेपालले शुक्रबार काठमाडौंमा आयोजित वृहत् जनसभालाई ५० हजारभन्दा बढी जनताको उत्साहपूर्ण सहभागितामा भव्य रूपमा सम्पन्न गरेको छ। गणतन्त्रको संवर्द्धन र राष्ट्रिय स्वाधीनताको संरक्षणका लागि आयोजित यो जनसभामा जनताको सक्रिय र शालीन सहभागिताप्रति मोर्चाले हार्दिक आभार व्यक्त गर्दै धन्यवाद ज्ञापन गरेको छ। मोर्चाले विशाल जनसमर्थनबाट आत्तिएका पुनरुत्थानवादी र प्रतिगामी तत्वहरूले जनसभापछि अराजकता मच्चाउँदै विभिन्न स्थानमा तोडफोड र आगजनी गरेको टिप्पणी समेत गरेको छ । समाजवादी मोर्चा नेपालले जारी गरेको प्रेस वक्तव्यम अनुसार, नेपाल कम्युनिष्ट पार्टी (एकीकृत समाजवादी) को केन्द्रीय कार्यालय, काठमाडौं जिल्ला कार्यालय र अध्यक्ष माधवकुमार नेपालका भाइ सरोज नेपालको निजी निवासमा तोडफोड र आगजनी भएको दुख व्यक्त…

।काठमाडौं। त्रिभुवन अन्तर्राष्ट्रिय विमानस्थल बाहिर राजावादी आन्दोलनकारीहरुले आगलागी गर्दा विमानस्थलका उडानहरु प्रभावित भएका छन्। महाप्रबन्धक जगनाथ निरौलाले बताउनुभएको छ कि विमानस्थल भित्र सुरक्षा पुरा भए पनि बाहिर विभिन्न स्थानमा आगलागीका घटनाहरु हुँदा उडान प्रभावित भएको हुन्। निरौलाले भने, "विमानस्थल बाहिर आगलागीका घटनाहरु भएका कारण विमानस्थलमा धुँवा फैलिएको थियो। अहिले धुँवा केही कम भए पनि उडान सहज रूपमा सञ्चालन हुन सकेको छैन।" हाल विमानस्थल प्रशासनले स्थिति नियन्त्रणमा लिने प्रयास गरिरहेको, र यात्रुहरुलाई सूचित गराउँदै आएको जानकारी दिनुभयो ।

काठमाडौं। देशभरका विभिन्न स्थानमा राजावादी प्रदर्शनकारीहरुले तीव्र रूपमा गरेको आगजनी तथा ढुंगामुढा मुढाले अवस्था तनावग्रस्त भएपछि गृह मन्त्रालयले आकस्मिक बैठक बोलाएको छ गृहमन्त्री रमेश लेखकको अध्यक्षतामा भएको बैठकमा गृह सचिव, नेपाल प्रहरी, सशस्त्र प्रहरी बल र राष्ट्रिय अनुसन्धान विभागका उच्च अधिकारीहरूले सहभागिता जनाएका छन् । स्रोतका अनुसार, बैठकमा प्रदर्शनको प्रकृति, सम्भावित जोखिम र शान्ति-सुरक्षा कायम राख्नका लागि आवश्यक रणनीतिबारे गहन छलफल भइरहेको छ। प्रदर्शनकारीहरूको गतिविधि नियन्त्रण गर्न सुरक्षा निकायको परिचालन, भीड व्यवस्थापन र संवेदनशील क्षेत्रहरूमा थप सुरक्षा सतर्कता कायम गर्ने विषयमा छलफल भएको बताइएको छ। राजधानी काठमाडौँका केही स्थानमा प्रदर्शनकारी र सुरक्षाकर्मीबीच तनावको अवस्था पनि उत्पन्न भएको खबर प्राप्त भएको…

काठमाडौं। नेपाल विद्युत प्राधिकरणका कार्यकारी निर्देशक पदबाट बर्खास्त गरिएका कुलमान घिसिङको रिटमा सर्वोच्च अदालतले सरकारलाई कारण देखाउ आदेश जारी गरेको छ। न्यायाधीश अव्दुल अजीज मुसलमानको एकल इजलासले घिसिङको बर्खास्तगीको कारण सरकारसँग सोधेको हो। गत सोमबार मन्त्रिपरिषदले घिसिङलाई पदबाट हटाएर हितेन्द्रदेव शाक्यलाई कार्यकारी निर्देशक नियुक्त गरेको थियो। यस निर्णयविरुद्ध घिसिङले सर्वोच्च अदालतमा रिट दायर गर्दै अन्तरिम आदेशको माग गरेका थिए।

काठमाडौ । नेकपा (माओवादी केन्द्र) का अध्यक्ष पुष्पकमल दाहालले प्रधानमन्त्री तथा नेकपा (एमाले) अध्यक्ष केपी शर्मा ओली गणतन्त्रवादी नभएको र राजावादीसँग मिलेको भन्ने शंका व्यक्त गरेका छन्। शुक्रबार, काठमाडौंको प्रदशर्नी मार्गमा समाजवादी मोर्चाद्वारा आयोजित खबरदारी सभामा सम्बोधन गर्दै दाहालले ओलीको राजनीति र कार्यशैलीप्रति कडा टिप्पणी गरेका छन् । दाहालले भने, "उहाँ (केपी शर्मा ओली) राजावादीसँग मिलेको त होइन भन्ने गम्भीर प्रश्न उठेको छ। भित्रभित्रै उहाँ मिल्नुभएको छ भन्ने कुराहरू आइरहेका छन्। " उनले ओलीको 'बयलगाडा सिद्धान्त'को आलोचना गर्दै, "उहाँले गणतन्त्रको परिभाषा मात्र माओवादी र प्रचण्डसँग जोड्ने काम गर्नुहुन्थ्यो र त्यसलाई कसरी फसाद पार्ने भन्ने कुरा मात्र सोच्नुहुन्थ्यो।" अध्यक्ष दाहालले ओलीको…