आफुलाई लोरेन्स विश्नोइ बताउँदै फिरौती माग्ने पक्राउ।

बाँके। सामाजिक सञ्जाल व्हाट्सएप मार्फत फिरौती माग्ने एक व्यक्तिलाई प्रहरीले पक्राउ गरेको छ। सुर्खेतको भेरी गंगा नगरपालिका वडा नम्बर ७ काठेघारी निवासी ४१ वर्षीय राम बहादुर बुढा क्षेत्रीलाई इलाका प्रहरी कार्यालय कोहलपुरले नियन्त्रणमा लिएको हो। प्रारम्भिक अनुसन्धानमा खुलासा भएको अनुसार, उनले विभिन्न विदेशी नम्बरबाट व्हाट्सएपमा संदेश पठाउँदै आफूलाई 'लोरेन्स बिस्नोई' र 'अनमोल बिस्नोई'को नाममा परिचय दिँदै ५ करोड भारतीय रुपैया फिरौती मागेका थिए। उनले रकम नदिए ज्यानको खतरा हुने चेतावनीसमेत दिएका थिएको प्रहरीले बताएको छ । प्रहरीले क्षेत्रीको मोबाइल फोनमा विदेशी नम्बरको व्हाट्सएप खाता खोलिएको र उक्त खातामार्फत म्यासेज पठाएको प्रमाणहरु फेला परेका छन् । अनुसन्धानका क्रममा, लोरेन्स बिस्नोई भारतीय…

जीतपुरसिमरा। जीतपुरसिमरा गोल्डकप फुटबल प्रतियोगिता १५ औं संस्करणको उद्घाटन यसै साता सिमरा रंगशालामा हुने भएको छ। आयोजक नव–जनजागृति युवा क्लबले मंगलबार पत्रकार सम्मेलन गर्दै प्रतियोगिताको तयारी पूरा भएको जानकारी दिएको हो। आयोजक क्लबका अध्यक्ष रामचन्द्र लामाका अनुसार, प्रतियोगिता फ्लड लाइटमा हुने छ र यसमा ८ टोलीको सहभागिता रहनेछ। प्रतियोगिता जीतपुरसिमरा उपमहानगरपालिकाको मुख्य सहयोगमा आयोजना गरिएको हो। प्रतियोगितामा विजेता टोलीले ट्रफीसहित १० लाख रुपैयाँ र दोस्रो टोलीले ५ लाख रुपैयाँ प्राप्त गर्नेछन्। प्रतियोगिताको सर्वोत्कृष्ट खेलाडीले इलेक्ट्रिक स्कुटर प्राप्त गर्नेछन्। त्यस्तै, उत्कृष्ट प्रशिक्षक, उत्कृष्ट गोलरक्षक र उच्च गोलकर्ताले समान २५ हजार रुपैयाँसहित ट्रफी प्राप्त गर्नेछन्। इमर्जिङ प्लेयरलाई १५ हजार रुपैयाँ र ट्रफीसहित…

विराटनगर। कोशी प्रदेश सरकारले आगामी २०८२ सालका लागि ६ दिन सार्वजनिक बिदा दिने निर्णय गरेको छ। संघीय सरकारले दिएको बिदाबाट अतिरिक्त ६ दिनको बिदा थप गर्ने निर्णय प्रदेश सरकारले गरेको हो। कोशी प्रदेशका आन्तरिक मामिला तथा कानुन मन्त्री रेवतीरमण भण्डारीका अनुसार मंगलबार बसेको मन्त्रीपरिषद् बैठकले विभिन्न पर्व र परम्पराका आधारमा बिदा थप गर्ने निर्णय गरेको हो। बैठकले बैशाख २ गते सिरुवा पर्व, भदौ १ गते रथयात्रा (कृष्ण जन्माष्टमीको भोलिपल्ट), भदौ १२ गते ऋषि पञ्चमी (महिलाका लागि), असोज २० गते कोजाग्रत पूर्णिमा र कात्तिक २५ गते फाल्गुनन्द जयन्तीमा सार्वजनिक बिदा दिने निर्णय गरेको छ। मन्त्री भण्डारीका अनुसार, विशेषत: कोजाग्रत पूर्णिमाको दिनका…

काठमाडौं। युट्युब च्यानल गुड टिभीकी सञ्चालिका गंगा लामा पक्राउ परेका छन्। साइबर ब्यूरोका अनुसार, लामालाई काठमाडौँको पुतलीसडकबाट पक्राउ गरिएको हो। साइबर ब्यूरोले उनलाई केही दिनअघि ‘बुवा र छोरी रंगेहात भेटिएपछि’ भन्ने आपत्तिजनक शिर्षकमा भिडियो सामग्री प्रसारण गरेको आरोपमा पुतलीसडकबाट पक्राउ गरेर हिरासतमा राखेको छ। मोरङको मिक्लाजुङ गाउँपालिका वडा नम्बर ६ घर भएकी लामा काठमाडौंमा बस्दै आएकी थिइन्। प्रहरीले उनलाई विद्युत् अपराधसम्बन्धी कसुरको अनुसन्धान गर्न अदालतबाट पक्राउ अनुमति लिएको थियो।

जलेश्वर। सूर्य उपासनाको चार दिने महापर्व चैती छठ व्रतअन्तर्गत आज दोस्रो दिन खरना पर्व मनाइँदै छ। मङ्गलबारदेखि सुरु भएको चैती छठ पर्वको आजको दिन विशेष गरी मिथिलाञ्चलमा धूमधामले खरना पर्व मनाउने परम्परा रहेको छ। खर्ना पर्वको अवसरमा मिथिलामा व्रतालु महिलाहरु दिनभर निर्जल एवं निराहार उपवासी बसेर साँझमा खीर, पूरी, लरु (लड्डु), केरा, तुलसीको पातको प्रसाद तयार गरी कूल देवताको पूजा गर्दै सूर्य भगवान र छठी मातालाई चैती छठ पर्वको निम्तो दिन्छन्। जलेश्वर नगरपालिका–१ स्थित जलेश्वरनाथ महादेव मन्दिरका सहायक पूजारी कामेश्वर पाठकका अनुसार, खरना पर्वको दिन व्रतालु महिलाहरु साँझमा घरघरमा पूजा गरेर प्रसाद चढाउने चलन रहेको छ। व्रती महिलाहरु खरना पर्व…

बाँके। पञ्जाब किंग्सले इण्डियन प्रिमियर लिग (आइपिएल) मा लगातार दोस्रो जित हात पारेको छ। मंगलवार भएको खेलमा पञ्जाबले लखनउ सुपर जायन्ट्सलाई ८ विकेटले पराजित गर्यो। लखनउले दिएको १ सय ७२ रनको लक्ष्य पञ्जाबले १६.२ ओभरमा २ विकेट गुमाएर पूरा गर्यो। पञ्जाबको जितमा ओपनर प्रभसिमरन सिंहले शानदार ६९ रनको योगदान गरे, जसमा उनले ३४ बलमा ९ चौका र ३ छक्का हिट गरे। उनले कप्तान श्रेयस ऐरसँग मिलेर दोस्रो विकेटका लागि ८४ रनको महत्वपूर्ण साझेदारी गरे। कप्तान ऐर ३० बलमा ३ चौका र ४ छक्काको साथ ५२ रनमा नट आउट रहे। तेस्रो विकेटका लागि कप्तान ऐर र नेहाल बढेराले ६७ रनको विजयी…

इलाम। ईलाम जिल्लामा जबरजस्ती करणीको आरोपमा दुई जना पक्राउ परेका छन्। जिल्ला प्रहरी कार्यालय इलामका अनुसार इलाम नगरपालिका वडा नम्बर ४, बरबोटेका २२ वर्षीय दिपेश नेपाली र चुलाचुली गाउँपालिका वडा नम्बर ६, तोरीबारीका ५१ वर्षीय यमबहादुर विश्वकर्मालाई जबरजस्ती करणीको आरोपमा पक्राउ गरिएको हो। दिपेश नेपालीले एक महिलालाई प्रलोभनमा पारेर, डरत्रास देखाएर पटक-पटक जबरजस्ती करणी गरेको घटनाको अनुसन्धानमा खुलेपछि उनलाई पक्राउ गरिएको हो। जिल्ला प्रहरी कार्यालय इलाम र अस्थायी प्रहरी पोष्ट बर्बोटेबाट खटिएको टोलीले उनलाई गाउँमै लुकीछिपी बसेको अवस्थामा पक्राउ गरेको थियो। उनलाई जिल्ला अदालत इलामबाट सात दिनको म्याद थप गरी अनुसन्धान भइरहेको प्रहरीले जनाएको छ। त्यसैगरी, यमबहादुर विश्वकर्माले एक महिलालाई…

बाँके। इण्डियन प्रिमियर लिग (आईपीएल) आज पञ्जाब किंग्स र लखनउ सुपर जायन्ट्स बीचको खेल हुदैछ। एकना अन्तर्राष्ट्रिय क्रिकेट स्टेडियममा आयोजना हुने यो खेल नेपाली समय अनुसार बेलुका ७:४५ बजे सुरु हुनेछ। घरेलु टोली लखनउलाई जितको लागि आवश्यक मनोबलको खाँचो छ, भने पञ्जाब किंग्स लगातार दोस्रो जितको खोजीमा छ। पञ्जाब किंग्सको बलियो सुरुवात पञ्जाब किंग्सले आईपीएलको पहिलो खेलमा गुजरात टाइटन्सलाई पराजित गर्दै २ अंक प्राप्त गरेको छ। यस जितसँगै पञ्जाब तालिकाको पाँचौं स्थानमा रहेको छ र आजको खेलमा पनि यसै जोश र उत्साहसँग जित निकाल्ने प्रयास गर्नेछ। लखनउ सुपर जायन्ट्सको सन्तुलन खोजी लखनउ सुपर जायन्ट्सको यो सीजनको तेस्रो खेल हुनेछ। दिल्ली…

बाँके। मंगलबार नेपाल स्टक एक्सचेञ्ज (नेप्से) परिसूचक १६ दशमलव ९५ अंकले घटेर दुई हजार ६७६ दशमलव १७ विन्दुमा पुग्दा बजारमा समग्र गिरावट देखिएको छ। ३२० कम्पनीका एक करोड छ लाख ७० हजार ६४९ कित्ता शेयर ५६ हजार ५४८ पटक खरिदबिक्री भएको आजको कारोबारमा रु पाँच अर्ब ७९ करोड ७७ लाख ९१ हजार ७०० बराबरको लेनदेन भएको छ। व्यापार समूह ३.८० प्रतिशतले वृद्धि गर्दा अन्य सबै समूहको उपसूचक घटेको छ। बैंकिङ, विकास बैंक, वित्त, होटल तथा पर्यटन, जलविद्युत्, लगानी, जीवन बिमा, उत्पादन तथा प्रशोधन, लघुवित्त, म्युचुअल फन्ड, निर्जीवन बिमा र अन्य समूह सबैमा गिरावट देखिएको छ। गार्डियन माइक्रोलाइफ इन्सुरेन्स लिमिटेडको शेयर…

जनकपुर। मधेस प्रदेशका प्रमुख सुमित्रा सुवेदी भण्डारीले प्रदेश सभाबाट पारित तीन महत्त्वपूर्ण विधेयकलाई प्रमाणीकरण गरेकी छन्। यी विधेयकहरू प्रदेशको विकासमा महत्वपूर्ण भूमिका निर्वाह गर्ने विश्वास गरिएको छ। आज, प्रदेश प्रमुख भण्डारीले मधेसमा पर्यटनको विकास र प्रवर्द्धन, कृषि विकास र बालअधिकार संरक्षण सम्बन्धी तीन विधेयकहरूलाई प्रमाणीकरण गरिन्। यी विधेयकहरू नेपालको संविधानको धारा २०१ को उपधारा (२) बमोजिम प्रमाणीकरण गरिएको हो। पहिलो विधेयक, "मधेस प्रदेशमा पर्यटनको विकास र प्रवर्द्धन गर्ने सम्बन्धमा व्यवस्था गर्न बनेको विधेयक" ले प्रदेशभर पर्यटनलाई प्रोत्साहन गर्ने नीति र योजना तय गर्नेछ। यसले मधेसको समृद्धि र पर्यटकीय सम्भावनामा योगदान पुर्याउने अपेक्षा गरिएको छ। दोस्रो विधेयक, "प्रदेश कृषि विकास सम्बन्धमा…